Morgunblaðið - 19.11.2005, Side 28

28 LAUGARDAGUR 19. NÓVEMBER 2005 MORGUNBLAÐIÐ
MINNSTAÐUR
LÍFSLOGINN er heiti á þriðju bók Björns Þor-
lákssonar en hún kom út nú nýlega og var
kynnt í Galleríi Jónasar Viðar undir Listasafn-
inu á Akureyri, enda gerðust drastískir atburð-
ir á þeim slóðum í sögunni að sögn höfundar og
því vel við hæfi að kynna hana í Gilinu.
Lífsloginn er saga um kennara við Mennta-
skólann á Akureyri, sem ekki gengur heill til
skógar. Sá stofnar til ástarsambands við nem-
anda sinn en sagan tekur óvænta stefnu þegar í
ljós kemur að stúlkan er hugsanlega ekki bara
nemandi hans, segir um söguþráð bókarinnar.
Björn hefur áður sent frá sér smásögurnar
Við, árið 2001 og skáldsöguna Rottuholuna árið
2003.
Björn sagðist hafa verið iðinn við kolann,
hann ætti nú þegar töluvert efni í fjórðu bók
sína. „Þetta hefur verið ágætis framleiðsla
hingað til, ég stefni að því að minna reglulega á
mig,“ sagði hann.
Bókaútgáfan Tindur í Ólafsfirði gefur bókina
út og sagði Björn það afrek að halda úti bókaút-
gáfu á þessum norðlægu slóðum, það þyrfti
hugsjón til að gera slíkt.
  
Morgunblaðið/Kristján
Björn Þorláksson fréttamaður og rithöfundur
með eintök af bók sinni fyrir framan sig.
Lífslogi Björns
kominn út
AKUREYRI
JÓLABJÓR frá Víking er nú komin
í verslanir ÁTVR en þetta er fjór-
tánda árið í röð sem Víking fram-
leiðir sérstakan jólabjór. Fyrst kom
slíkur bjór á markað fyrir jólin
1990 og naut þessi vara strax mik-
illa vinsælda. Víking jólabjór var
mest seldi jólabjór í áfengisversl-
uninni í fyrra, en hann var valinn
besti bjórinn í bragðprófun á veit-
ingahúsinu Þremur Frökkum.
Baldur Kárason, bruggmeistari
hjá Víking á Akureyri, á sem fyrr
heiðurinn af bruggun jólabjórsins.
Að þessu sinni notaði hann svokall-
að karamellumalt, sem gefur bjórn-
um dekkri lit og keim af brenndri
karamellu. Það sem að öðru leyti er
sérstakt við framleiðslu jólabjórs-
ins er að hann er látinn eftirgerjast
við lágt hitastig þegar aðalgerj-
uninni er lokið. Þessi vinnsluaðferð
gefur jólabjórnum þétt og mjúkt
bragð, mikla fyllingu og góða
froðu. Það gerir að verkum að jóla-
bjórinn hentar vel með mat.
  
Morgunblaðið/Kristján
Jólabjór Baldur Kárason brugg-
meistari útskýrir ferlið við brugg-
un jólabjórsins.
Jólabjór frá Víking
14. árið í röð
Ný prentvél | Ásprent Stíll ehf. á Akureyri
hefur gengið frá kaupum á nýrri Roland 305L
prentvél, en um er að ræða eina fullkomnustu
arkaprentvél landsins segir í frétt frá fyrirtæk-
inu. Nýja vélin prentar fimm liti og lakk í einni
prentumferð, getur prentað á stærri arkir en
eldri vélar prentsmiðjunnar og er að auki mun
hraðvirkari.
Með tilkomu nýju prentvélarinnar verður
unnt að bjóða upp á prentun og afgreiðsluhraða
sem jafnast fullkomlega á við stærstu prent-
smiðjur landsins, segir ennfremur.
Á FUNDI bæjarráðs í vikunni
var lagt fram minnisblað frá
vinnuhópi um yfirvinnu hjá Ak-
ureyrarbæ, auk þess sem
fulltrúar úr yfirvinnunefndinni
gerðu grein fyrir framvindu
verkefnisins.
Bæjarfulltrúi Oktavía Jó-
hannesdóttir lagði fram bókun
þar sem kemur m.a. fram að
það hafi verið skilningur sinn
frá upphafi að tilgangurinn með
skipan starfshóps um yfirvinnu-
mál hjá bænum væri að auka
gegnsæi og jafnræði í launamál-
um bæjarins en ekki að lækka
laun starfsmanna.
„Ég get því ekki fallist á til-
lögur sem leiða til beinnar
kjaraskerðingar og geta valdið
atgervisflótta hjá reyndu og
traustu starfsfólki,“ sagði enn-
fremur í bókun Oktavíu.
Kristján Þór Júlíusson bæj-
arstjóri lagði fram bókun, þar
sem m.a. kemur fram að til-
gangurinn með breytingum á
fyrirkomulagi yfirvinnu og ann-
arra aukagreiðslna væri að
auka gegnsæi, draga úr mis-
ræmi og kynbundnum launa-
mun meðal starfsmanna bæjar-
félagsins.
„Að þessu verki hefur verið
unnið í hartnær 2 ár í góðri
samstöðu bæjarfulltrúa fram til
þessa,“ sagði ennfremur í bók-
un bæjarstjóra.
Oktavía lagði fram aðra bók-
un vegna bókunar bæjarstjóra,
þar sem hún tók fram að sjón-
armið sín varðandi tekjuskerð-
ingu starfsmanna hafi legið fyr-
ir frá upphafi og ávallt komið
fram í umræðum um málið.
Breytingar á yfirvinnu bæjarstarfsmanna
Draga á úr misræmi og
kynbundnum launamun
RAGNAR Sverrisson forsvars-
maður verkefnisins Akureyri í
öndvegi er í aðalatriðum ánægð-
ur með tillögu stýrihóps um
verkefnið, en þær voru kynntar
í umhverfisráði Akureyrar í
gærmorgun.
„Ég er mjög ánægður með að
stýrihópurinn beri gæfu til að
fara eftir vilja íbúa bæjarins í
tillögu sinni,“ sagði Ragnar, en
um 10% bæjarbúa sóttu íbúa-
þing síðastliðið haust og lögðu
fram hugmyndir sínar að betri
miðbæ. „Ég er glaður með að
bæjaryfirvöld skuli með þessum
hætti virða vilja íbúanna. Það er
hlustað á grasrótina og það er
vel. Íbúarnir eru spurðir fyrst
og svo er framkvæmt, það er
ekki gert í mörgum öðrum bæj-
arfélögum. Oft er sá háttur
hafður á að yfirvöld ákveða hvað
gera skuli í skipulagsmálum og
kynna það íbúunum síðar,“ sagði
Ragnar.
Hann kvaðst einnig mjög
ánægður með hversu hratt er
unnið að málum, það væri til
fyrirmyndar. Verðlaunatillögur
voru kynntar í vor og nú þegar
á að hefjast handa um breyt-
ingar á miðbæjarsvæðinu.
Nefndi Ragnar m.a. að farið
væri eftir vilja meirihluta bæj-
arbúa hvað varðar nýtingu á Ak-
ureyrarvelli, en hann setti var-
nagla á þá hugmynd að byggja
hús neðst í Skátagili. Hefði enn
viljað halda opnum mögu-
leikanum á að svonefnt síki nái
þangað upp líkt og fram kemur í
verðlaunatillögu. „Ég skil vel að
þetta geti tekið langan tíma, en
ég held það verði slys ef byggð
verði þarna hús sem loka á
þennan möguleika. Ég vil enn
halda öllum dyrum opnum að
tengja Skátagilið við miðbæinn,“
sagði Ragnar.
Þá vonaðist hann til að bæj-
aryfirvöld beri gæfu til að fá
sterka fjárfesta til liðs við sig
varðandi uppbyggingu á mið-
bæjarsvæðinu, m.a. til að reisa
þar stórmarkað.
Hann sagðist ekki hafa kynnt
sér tillögu stýrihópsins, einungis
fylgst með umfjöllun fjölmiðla
um málið, en fyrirhugað er að
kynna upphafsmönnum verkefn-
isins Akureyri í öndvegi tillög-
una eftir helgi.
Ragnar Sverrisson, forsvarsmaður Akureyri í öndvegi
Ánægður með að
hlustað er á grasrótina
Myndlist | Samúel Jóhannsson
opnar sýningu í Marki í Eyjafjarð-
arsveit í dag, laugardag, kl. 14. Þar
sýnir hann um 50 verk, akrílmálverk
og vatnslitamyndir. Sýningin stend-
ur til 27. nóvember nk. og er opin
virka daga frá kl. 16–20 og 14–19 um
helgar.
SÆTIR SÓFAR
HANDUNNIN JÓLALJÓS
ÚR LAUFBLÖÐUM AF
SMIÐJUVEGI 11 KÓPAVOGUR
GUL GATA
TAKMARKAÐ MAGN
GJAFAVARA:
SKARTGRIPIR
SKÓR
FÖT
MATVARA:
HRÍSGRJÓN Á TILBOÐI
SÓSUR
SÚPUR
OG FL.
OPNUNAR TILBOÐ
Á móti
GÚMMÍTRÉ