Fréttablaðið - 14.12.2005, Síða 12

ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
L
BI
3
03
96

12
/0
5
Olíuskip á skeri Sænskt olíuskip
steytti á skeri fyrir utan Helsinki um
helgina. Skipið hefur tvöfaldan botn og
lak því engin olía í hafið. Skipið hafði
lóðs um borð og fimmtán manna áhöfn
og var á leið til Turku. Fljótlega tókst að
losa skipið og var það lóðsað til hafnar.
FINNLAND
Nýtt nafn Stjórnendur Verzlunar-
mannafélags Reykjavíkur telja nafn
félagsins barn síns tíma og hafa boðað
til samkeppni um nýtt nafn. Öllum er
frjálst að senda inn tillögu og fær höf-
undur uppástungunnar sem verður fyrir
valinu 300 þúsund krónur í verðlaun.
Skilafrestur er til 15. janúar.
SAMKEPPNI
KÍNA Kínverjar minntust þess í gær
með athöfnum víða um land að 68
ár eru liðin frá einhverju skelfi-
legasta blóðbaði sem þjóðin hefur
orðið fyrir. Þá réðust japanskar
hersveitir inn í borgina Nanking og
drápu milli 300 og 400 þúsund sak-
lausa borgara á skömmum tíma.
Er atburðurinn enn greyptur
í hina kínversku þjóðarsál sem
„nauðgunin í Nanking“. Stjórn-
völd í landinu notuðu harmleikinn
lengi í áróðursskyni gegn Japönum
lengi vel á eftir og enn eimir af
andúð milli þjóðanna tveggja sem
að mörgu leyti má rekja til atburð-
anna í Nanking 13. desember árið
1937.
Þá höfðu japanskar hersveitir
náð Shanghai á sitt vald og héldu
rakleiðis norður áleiðis til Nank-
ing. Engir hermenn voru í borginni
heldur aðeins almennir borgarar
en það kom ekki í veg fyrir að jap-
anskir hermenn gengu milli bols
og höfuðs á hverjum einasta manni
sem á vegi þeirra varð. Ekkert
lífsmark var í borginni þegar þeir
hurfu brott.
- aöe
MINNINGARATHÖFN Í PEKING
Milli 300 og 400 þúsund íbúar Nanking
létu lífið fyrir 68 árum þegar innrásarherir
japanska keisarans fóru um borgina.
NORDICPHOTOS/AFP
Kínverjar minnast fallinna í einu mesta blóðbaði seinni tíma:
Nauðgunarinnar í Nanking minnst
DÓMSMÁL Dæmd voru ómerk í Hér-
aðdómi Reykjavíkur í gær tvenn
ummæli sem birtust um Ástþór
Magnússon athafnamann í DV í
maí og september síðasta ár. Ann-
ars vegar fyrirsögnin „Börn látin
skrifa undir vafasamt plagg - Ást-
þór notar börn til að ná völdum“
sem var birt 21. maí 2004 og svo
setningin „Ástþór mun vera fast-
akúnni á barnum“ sem birtist 25.
september sama ár.
Illugi Jökulsson, sem gegndi
starfi ritstjóra DV á þeim tíma, og
Mikael Torfason voru hvor um sig
dæmdir til að greiða 50.000 krón-
ur í sekt. Útgáfufélag blaðsins,
365 prentmiðlar, og blaðamaður-
inn, sem einnig var kærður, voru
sýknuð. Ekki var fallist á fimm
milljón króna miskabótakröfu Ást-
þórs.
Mikael Torfason, ritstjóri
DV, segir umfjöllun blaðsins um
Ástþór Magnússon standa eftir
dóminn, enda sé dæmt fyrir smá-
vægilega framsetningu, ekki
meginatriði. „Við vorum að fjalla
um alvarlega hluti, eins og þessa
tombólu hans, sem erindi áttu við
allan almenning. En hvort hann
er fastakúnni á einhverjum bar
skiptir náttúrulega minna máli. Af
tuttugu atriðum sem hann kærir
eru tvö ómerkt,“ segir hann, en
það eru 90 prósent. „Þetta virðist
vera óttalegur tittlingaskítur sem
eftir stendur.“ Mikael segir ekki
búið að taka ákvörðun um mögu-
lega áfrýjun dómsins.
Vísað var frá dómi kröfum Ást-
þórs vegna þriggja ummæla, en
sýknað vegna þeirra fimmtán sem
eftir stóðu í kærunni. - óká
Dæmt í meiðyrðamáli Ástþórs Magnússonar vegna skrifa í DV í fyrra:
90 prósent skrifa DV standa
Í HÉRAÐSDÓMI REYKJAVÍKUR Hilmar Ingi-
mundarson, lögmaður Ástþórs Magnússon-
ar, mætti við uppkvaðningu dóms gær.
FRÉTTABLAÐIÐ/HEIÐA
Framlengt til fimm ára Kristján
Skarphéðinsson hefur verið skipaður
ráðuneytisstjóri í iðnaðarráðuneytinu frá
áramótum til næstu fimm ára. Kristján
hefur verið skrifstofustjóri í iðnaðar-
ráðuneytinu síðustu sjö árin og settur
ráðuneytisstjóri í iðnaðar- og viðskipta-
ráðuneytum frá 1. janúar 2003.
IÐNAÐARRÁÐUNEYTI
KÚALA LÚMPÚR, AP Ráðherrar Suð-
austur-Asíuríkja kröfðust þess á
fundi sínum í Kúala Lúmpúr, höf-
uðborg Malasíu, í síðustu viku að
herforingjastjórnin í Mjanmar
hrinti í framkvæmd lýðræðis-
umbótum. Einnig að stjórnin
léti Aung San Suu Kyi, friðar-
verðlaunahafa Nóbels, lausa úr
stofufangelsi.
Ályktunin er skýrasta merk-
ið til þessa um vaxandi gremju
stjórnmálaleiðtoga í heimshlutan-
um með stífni og mannréttinda-
brot herforingjastjórnarinnar. ■
Suðaustur-Asíuleiðtogar:
Vilja umbætur
í Mjanmar
RÁÐHERRAFUNDUR ASEAN Malasískur
hermaður stendur vörð við ráðstefnumið-
stöðina í Kúala Lúmpúr þar sem ráðherrar
SA-Asíuríkja koma saman. FRÉTTABLAÐIÐ/AP
12 14. desember 2005 MIÐVIKUDAGUR
LÖGREGLAN TIL VARNAR
Sjúklingar, hermenn og fangar hófu að
kjósa í þingkosningum í Írak í gær. Einnig
þeir Írakar sem búa erlendis. MYND/AP