Fréttablaðið - 14.12.2005, Page 68

14. desember 2005 MIÐVIKUDAGUR
T-Lite III
Fisléttur og mjúkur leðurskór
Hentar úti sem inni
Leiðb.verð kr. 5.990.-
Tengu III GTX
Sterkur og léttur gönguskór
Mjúk phylon dempun
Stöðugleikaplata í millisóla
Leiðb.verð kr. 9.990.-
Air Trail Exposure WS
Mjúk og létt phylon dempun
TPU stöðugleikaplata í millisóla
Sterkur útiskór með góðri dempun
Leiðb.verð kr. 7.490.-
Air Trail Exposure WS
Mjúk og létt phylon dempun
TPU stöðugleikaplata í millisóla
Byggður á kvensóla
Leiðb.verð kr. 7.490.-
Sportver - Ozone
Útilíf - Sportver - Ozone
Vatnsheldur
Loftpúði í hæl
Hámarksgrip og ending
Útilíf - K-sport - Fjölsport - Íþróttabúðin
Útilíf - Sportver - Ozone
Vatnsheldur
Loftpúði í hæl
Hámarksgrip og ending
Hámarksgrip og ending
Vatnsheldur með öndun
Það var fróðlegt fyrir landslýð að
fylgjast með Kastljósi allra lands-
manna í vikunni þar sem talsmað-
ur hátæknisjúkrahúss vissi ekki
fyrir hvað orðið hátæknisjúkra-
hús stendur en taldi loks upp sal-
ernisaðstöðu. Hugurinn leitar til
salernisaðstöðu elliheimilanna
þar sem fólki er hrúgað saman í
4ra manna herbergjum, hvernig
ætli hún sé þar?
Sem fyrrum innanhúsmaður
fyrirliggjandi hátæknisjúkrahúss
veit ég að salernisaðstöðuna og
aðra plásseklu er auðvelt að bæta
með því einu að moka út stjórn-
sýslunni, bara það myndi rýma
verulega til. Í einkarekstri gerðist
slíkt sjálfkrafa og nefni ég hann
sem annan valkost, láta einstakl-
ingsframtakinu pakkann eftir,
þ.m.t. salernisaðstöðuna.
Við eldri borgara vil ég segja
þetta: Þegar ungt, fullfrískt fólk
fer í fæðingarorlof er greiðslan
algerlega óháð launum maka.
Þið megið hinsvegar ekki vinna,
makinn ekki heldur, þá skerðist
allt. Hvers vegna eru ellilífeyris-
þegar ekki skattfrjálsir og hvers
vegna geta ellilífeyrisþegar ekki
unnið óháð launum maka, fengið
fría læknishjálp og frí lyf? Þetta
myndi skipta sköpum fyrir þenn-
an aldurshóp sem búinn er að skila
sínu. Og að forgangsraða óþarfa
hátæknisjúkrahúsi fram fyrir
raunverulega þörf og ljúga svo
framan í þjóðina umhyggju fyrir
öldruðum er algjörlega ósæm-
andi. En eldri borgarar halda þó
enn sínum kosningarétti og ættu
að nýta hann skilmerkilega meðan
kostur er.
Við alþingismenn segi ég þetta:
Vandi heilbrigðisþjónustunnar er
ekki sá að við séum að deyja úr
flóknum sjúkdómum. Vandinn er
sprungin heilsugæsla, skortur á
boðlegu legurými til langframa,
léleg laun aðhlynningarfólks,
ofmönnun stjórnenda, ofhlaðið
fyrirliggjandi hátæknisjúkrahús
og þið sjálfir sem gerið ekkert sem
stefnir metorðaklifrinu í tvísýnu.
Þingmenn þurfa heldur ekki að
hafa áhyggjur af ellinni, tryggðir
í bak og fyrir. En bygging og for-
gangur hátæknisjúkrahúss jafn-
gildir fratyfirlýsingu í garð eldri
borgara, undan því hlaupist þið
aldrei.
Höfundur er heilbrigðisstarfs-
maður í Önundarfirði.
Aðför að eldri borgurum
UMRÆÐAN
KJÖR ELDRI
BORGARA
LÝÐUR ÁRNASON
Þingmenn þurfa heldur ekki
að hafa áhyggjur af ellinni,
tryggðir í bak og fyrir. En
bygging og forgangur hátækni-
sjúkrahúss jafngildir fratyfir-
lýsingu í garð eldri borgara,
undan því hlaupist þið aldrei.
Embættismenn fjármálaráðherra
gagnrýna harðlega skrif Stefáns
Ólafssonar prófessors um kjör
öryrkja, en þessi grein fjallar ekki
beint um það. En með svörum
sínum eru embættismenn í raun
og veru að gagnrýna sín eigin
skrif undanfarinna ára. Þeir hafa
samkvæmt fyrirmælum ráðherra,
húsbónda síns, margoft sagt
aðeins hálfan sannleikann í þeim
tilgangi að fegra málstað yfirboð-
arans og gera það enn. Þeir eru í
reynd farnir að trúa því að allir
aðrir geri eins og þeir, og í ljósi
þess verður að skoða þeirra gagn-
rýni á skrif annarra.
Það er staðreynd að allur
sannleikurinn lítur ekki eins vel
út og hluti af honum, og það vita
þessir menn og konur mætavel,
en kjósa að þegja um það. Skatt-
ar eru til dæmis aldrei nefndir á
nafn. Það væri ef til vel til fundið
að ráðherra segði sínum mönnum
að leita alls sannleikans í hverju
máli.
Það nýjasta er að finna á vefriti
fjármálaráðuneytisins, þar sem
er sýndur samanburður á meðal-
tekjum aldraðra miðað við aðra
skattgreiðendur, og tilgangurinn
er auðsær, það er að sýna að það
allt sé í góðu lagi með kjör aldr-
aðra.
Meðaltöl sýna nákvæmlega
ekki neitt um raunveruleg kjör
illra staddra aldraðra. Embættis-
menn og aðrir vita það mætavel
að 20 prósent aldraðra búa við
mjög góð kjör og að þeirra tekj-
ur lyfta meðaltali mjög hátt upp.
Þrátt fyrir það virðst það ekkert
vefjst fyrir embættismönnum að
nota öll meðul í þágu húsbóndans,
og blanda kjörum hæstlaunuðu
eldri borgara inn í umræðuna um
fátækt aldraðra, til þess að fegra
sinn málstað. Kjör þeirra ríku eru
ekki á dagskrá, og það á alls ekki
að blanda þeim á þennan hátt inn
í umræðuna um kjör hinna lægst-
launuðu. Embættismenn ættu að
sjá sóma sinn í því að gera það
ekki.
Til fróðleiks skal ég nefna það
að Landssamband eldri borgara
hefur líka undir höndum upplýs-
ingar frá Ríkisskattstjóra. Þar má
sjá að allir einstaklingar 67 ára
og eldri höfðu að meðtali 167.520
krónur í tekjur á mánuði árið 2004,
og að 38,5 prósent af 14.362 ein-
staklingum, eða 5530 höfðu minna
en 125 þúsund krónur á mánuði í
brúttótekjur, að fjármagnstekjum
meðtöldum. Samskattaðir í þeim
hópi eru 7676 þannig að það eru
samtals 12.206 manns, eða hart-
nær helmingur lífeyrisþega, sem
lifir nálægt sultarmörkum. Þetta
eru staðreyndir, sem ekki verða
hraktar hvort sem stjórnmála-
mönnum líkar betur eða verr, og
væri verðugra umræðuefni.
Þessum staðreyndum er ekki
haldið á lofti hjá embættismönn-
um og ráðamönnum okkar þjóð-
félags, enda auðskiljanlegt að
þeir vilji ekkert við þær kannast.
Ríkisvaldið hefur auðvitað vinnu-
kraft, fjármagn og tækifæri langt
umfram getu Landssambands
eldri borgara (LEB) til þess að
koma sínum sjónarmiðum á fram-
færi, og sá aflsmunur er óspart
notaður til þess að fegra ríkis-
valdið. Samkeppnisyfirvöld eru
víst óvirk í þessu sambandi, þó að
þessi aðstöðumismunur sé óspart
notaður til þess að villa kjósend-
um sýn.
En það er deginum ljósara að
færi stjórnvöld ekki öldruðum
verulegar kjarabætur þegar á
næsta ári, þá hafa þeir yfir höfði
sér stóran hluta af reiðum göml-
um kjósendum í næstu kosning-
um. Kosningarértturinn er það
einasta eina sem gamlir eiga eftir
sér til varnar. Þeir verða 17 pró-
sent af kjósendum í næstu sveit-
arstjórnar- og alþingiskosningum,
og það samsvarar 10 þingsætum
á Alþingi.
Það er of seint að iðrast á kosn-
ingaári.
Höfundur situr í stjórn Félags
eldri borgara.
Maður, líttu þér nær
UMRÆÐAN
KJÖR ELDRI
BORGARA
PÉTUR GUÐMUNDSSON
Þrátt fyrir það virðst það
ekkert vefjast fyrir embættis-
mönnum að nota öll meðul í
þágu húsbóndans, og blanda
kjörum hæstlaunuðu eldri
borgara inn í umræðuna um
fátækt aldraðra, til þess að
fegra sinn málstað.
FRÁ HRAFNISTU Greinarhöfundur segir að samkvæmt tölum frá Ríkisskattstjóra lifir hartnær
helmingur ellilífeyrisþega við sultarmörk. FRÉTTABLAÐIÐ/ VILHELM
Öruggur staður til að vera á
Ég vil koma á framfæri þakklæti til Egils
Jóhannssonar, framkvæmdastjóra Brim-
borgar, fyrir góða þjónustu sem umboðs-
aðili fyrir HIAB krana. Það reyndi á það
að vera á öruggum stað með viðskipti
sín þegar ég varð fyrir tjóni með HIAB
kranann. Egill gekk staðfastlega fram í
málinu fyrir mína hönd gagnvart fram-
leiðandanum og lenti málinu örugglega.
Það er öruggt að ég held áfram í viðskipt-
um við örugga menn!
Sveinn Jóhann Sveinsson vörubílstjóri.
Silja skrifar:
Óskaplegt er að heyra hinn annars geð-
þekka sjónvarpsmann Egil Helgason
fjargviðrast yfir því hvernig ríkara fólk
kýs að eyða peningunum sínum. Látum
vera ef hinir „nýríku“, eins og hann kallar
þetta fólk, væru að spreða í skart með
það eitt að í huga að berast á. Ég held
hins vegar að sá sem ver 20 milljónum
króna til Unicef eigi hrós skilið, þótt
hann fái málverk eftir Hallgrím Helgason
í kaupbæti. Virðum það sem gott er gert,
hvaðan sem það kemur.
SENDIÐ OKKUR LÍNU
Við hvetjum lesendur til að senda
okkur línu og leggja orð í belg um
málefni líðandi stundar. Greinar og
bréf skulu vera stutt og gagnorð.
Eingöngu er tekið á móti efni sem
sent er frá Skoðanasíðunni á visir.
is. Þar eru nánari leiðbeiningar.
Ritstjórn ákveður hvort efni birtist í
Fréttablaðinu eða Vísi eða í báðum
miðlunum að hluta eða í heild.
Áskilinn er réttur til leiðréttinga og
til að stytta efni.
BRÉF TIL BLAÐSINS