Réttur - 01.10.1950, Page 23

RÉTTUR
263
Einhver kann að segja að þetta séu aðeins ómerkilegar bolla-
leggingar hlægilegs þjóðernissinna. En þess ber þá að minnast að
bréfið er skrifað á sama tíma og Bandaríkin höfðu hafið opinskáa
yfirgangsstefnu í Austurasíu og eyddu milljörðum dollara til að
standa straum af hinni vonlausu styrjöld Sjank Kaiséks gegn
alþýðu Kína.
Andi sömu yfirgangsstefnu mótaði einnig orð hins aldraða lepp-
forseta Suðurkóreu, Syngman Rhee, þegar hann hélt opinbera
ræðu rúmum mánuði seinna í þingi Suðurkóreu og ræddi um
utanríkismál og framtíðardrauma sína. 12. janúar 1949 sagði
Syngman Rhee fyrir opnum tjöldum í viðurvist hinna bandarísku
ráðgjafa sinna:
„Áætlun vor er að sundra alþýðuhernum í Norðurkóreu og
afvopna hann. Verði þetta ekki kleift, mun nefnd samein-
uðu þjóðanna og bandarísku hersveitirnar í Suðurkóreu
beita sér fyrir þeim aðgerðum sem nauðsynlegar eru og
ráða munu úrslitum .... “
Þetta var sem sagt opinber ræða, haldin á meðan Suðurkórea
var enn hernumin af sveitum Trumans og skömmu eftir að
Sovétríkin höfðu flutt allt sitt lið frá Norðurkóreu.
Árás ákvedin í júlí 1949
Þessi voru þá markmið og framtíðarvonir suðurkóresku lepp-
stjórnarinnar. En hvenær hófst hinn raunhæfi undirbúningur?
Einnig um það eru nákvæmar frásagnir í skjölum þeim sem
fundust í Seoul.
Sérstakt gildi hefur fundargerðarbók sem fannst meðal skjala
Kóreunefndar sameinuðu þjóðanna, þótt einkennilegt megi virð-
ast. Þar er ýtarlega rakinn fundur, sem haldinn var 12. febrúar
1949 í ríkisstjórn Syngman Rhees. Auk ráðherranna voru við-
staddir herráð Suðurkóreu og hinn bandariski hernaðarráðunaut-
ur Seoul-héraðsins, William Roberts hershöfðingi.
Á þessum fundi var hvorki annað né minna ákveðið en að her
Suðurkóreu, sem verið var að skipuleggja, skyldi búa sig undir