Réttur - 01.01.1960, Blaðsíða 17

R E T T U R
17
Lúðvík Jósepsson fór með vald sjávarútvegsmálaráðherra.
Sósíalistaflokkurinn hefur með baráttu sinni átt ríkan þátt í
því hver þróun borgaralegs þjóðfélags á Islandi hefur orðið síðustu
áratugina. Ummyndun Islands úr fátækri hálfnýlendu brezks
imperíalisma í bjargálna borgaralegt þjóðfélag er fyrst og fremst
árangur af þeirri stéttabaráttu verkalýðsins, nýsköpun atvinnulífs-
ins og þjóðfrelsisbaráttu, sem Sósíalistaflokkurinn hefur haft for-
ustu fyrir. Hefði afturhaldið á Islandi, sem sameinaðist 1939
fengið eitt að ráða væri Island enn fátækt arðrænt land, þjáð af
kreppum og atvinnuleysi, snautt af framleiðslutækjum, háð út-
lendum herstöðvum til 99 ára utan íslenzkrar lögsagnar.
Forustuhlutverk Sósíalistaflokksins í stéttabaráttunni og þjóð-
frelsisbaráttunni síðustu tvo áratugi hefur því verið úrslitaatriði
í Islandssögunni.
III. Forustuhli/tverk flokksins á leið þjóðarinnar til sósíalisma.
Enn er þó eftir það forustuhlutverk flokksins sem allra veiga-
mest er: að leiða þjóðina fram til sósíalisma.
Það er nauðsynlegt að allir flokksfélagar geri sér ljóst hverja
eiginleika flokkurinn þarf að efla með sér og eiga í nægilega
ríkum mæli til þess að verða því hlutverki sínu vaxinn.
Flokkurinn þarf að boða nýtt samfélag mannanna, grundvall-
að á samhjálp og sameign, með svo ríkum siðferðilegum krafti að
hann megni að vekja þjóðina og endurnýja. Flokknum ber að
horfasr í augu við þá hnignum og spillingu sem er að byrja að
heltaka Island eins og önnur borgaraleg þjóðfélög Vesturlanda
og gera sér fyllilega ljóst þvílíkt andlegt og siðferðilegt átak
þarf til þess að umskapa hnignandi borgaralegt þjóðfélag í sósíal-
istískt.
Flokkurinn þarf að eiga þann stórhug sem beint geti sjónum
fólksins að framtíarmarkinu mitt í allri dægurbaráttunni, þá
yfirsýn sem felst í því að skoða hvert skref sem tekið er í ljósi
þess hvort það færir okkur nær framkvæmd sósíalismans og miðar
að því að skapa þær aðstæður innan hins borgaralega þjóðfélags
sem er skilyrði sósíalismans og auðveldar framkvæmd hans; og