Réttur - 01.01.1960, Blaðsíða 78

78
R É T T U R
■ „VERZLUNAKFRELSIГ
Með hinum nýju lögum um innflutningsmál er farið inn á
þá braut að gefa innflutningsverzlunina að miklu leyti „frjálsa"
jafnframt því sem aðrar aðgerðir stjórnarvalda eru af þeim sjálf-
um metnar til jafngildis slíkum höftum að vöruinnflutningur
dragist saman um nær 20% frá því sem verið hefur. Frelsið er
því ekki í því fólgið að almenningur geti leyft sér meiri eða betri
vörukaup heldur hið gagnstæða. Að þessu leyti er „verzlunar-
frelsið" nánast staðfesting á áhrifamætti kjaraskerðingarinnar
sem af öðrum þáttum viðreisnarinnar leiðir. En inntak frelsisins
er annað og meira. Takmark þess er fyrst og fremst það að draga
úr viðskiptum þjóðarinnar við jafnkeypislöndin í Austur-Evrópu
og beina þeim til auðvaldslanda Vestur-Evrópu og Bandaríkjanna.
Að sögn ríkisstjórnarinnar eru 13% af innflutningi frá jafn-
keypislöndunum nú sett á frílista og hverjum innflytjanda leyft
að kaupa þær vörur annarsstaðar. Sannað er þó að meira hefur
verið gert og mun þessi tilflutningur ekki vera undir 20%. En
séu Sovétríkin fráskilin, en þar verður skerðing innkaupa minnst
í bili er hér um að ræða meira en þriðjung innflutnings frá öðrum
jafnkeypislöndum.
Á nýliðnum vetri — áður en frílistinn varð staðreynd — hafði
hin boðaða stefna þegar þau áhrif að innflutningur minnkaði með
hverjum mánuði frá jafnkeypislöndunum, en innstæður hlóðust
þar upp og voru um það bil sem frílistinn var gefinn út orðnar
mikið á annað hundrað millj. kr. Til samanburðar má geta þess
að á fyrstu 3 mán. ársins minnkuðu vörukaup frá jafnkeypislönd-
unum úr 36% á sl. ári í 29% nú miðað við heildarinnfl. eða um
20%. Slík þróun getur aðeins endað á einn veg, þann að viðskipti
okkar stöðvist við þessar þjóðir að meira eða minna leyti og
markaðir okkar lokist fyrir útflutningsmagni sem svarar til hinna
rýrðu innkaupa. Með því er undirstöðunni undir atvinnulífi okkar,
sjávarútveginum búin geigvænleg hætta, sem útflytjendur hafa
þegar gert sér nokkra grein fyrir. Bæði Sölumiðstöð hraðfrysti-
húsanna og Samband ísl. samvinnufélaga hafa aðvarað ríkisstjórn-
ina í þessu efni og Landsamband ísl. útvegsmanna hefur kjörið