Réttur - 01.08.1931, Blaðsíða 6

118
HVAÐ VERÐUR UM TEKJURNAR [Rjettur
á því, að hér er um geypiháan skatt að ræða, með tillití
til þeirrar umsetningar, sem þú gerir.
En nú er ekki nóg með þetta, hve mikið þú mátt
greiða til banka- og braskaravaldsins, um leið og þú
færð þér nauðsynjar þínar. Þjóðfélagið, sem þykist
vera að vernda þig, notar sér einnig það, að þú getur
ekki án þessara nauðsynja verið og gerir einnig her-
ferð á þessar litlu tekjur, sem þú framleiðir í sveita
þíns andlitis. Það er gert í gegnum löggjöf, sem nefnd
er tollalöggjöf, og sem þingmaðurinn, sem þú hefir
kosið, til að gæta réttar þíns á hinu háa Alþingi, hefir
greitt atkvæði sitt og telur ekki hægt að komast af án.
Þar áttu auðveldara með að sjá nákvæmlega, hverju
arðránið nemur. Ég ætla ekki að fara að reikna það
fyrir þig. Það skaltu gera sjálfur. Þú skalt fara til
hreppstjórans eða oddvitans eða prestsins og biðja þá
að lesa með þér grandgæfilega alla tollalöggjöfina. Þú
skalt hafa með þér verslunarreikning síðasta árs og
reikna nákvæmlega toll á hverri einustu vörutegund.
En þess skaltu vandlega gæta, að það er ekki nóg að
taka tollupphæðina eina, ef þú vilt fá það út, hvílíkur
skattur er á þig lagður með þessum lið, heldur verður
einnig þess að gæta, að álagning verslunarinnar kem-
ur einnig á þá upphæð, sem varan hækkar í hennar
hendur við þennan toll. Verður þú því, þegar þú hefir
fengið út hina beinu tollaupphæð, að bæta við hana
25%, og þá kemur sem næst því sú upphæð, sem þú
raunverulega þarft að borga vegna þeirrar tollalög-
gjafar, sem fulltrúi þinn hefir lagt blessun sína yfir
innan sala hins háa Alþingis.
En til þess, að þú sjáir, að hér er ekki um neina
smámuni að ræða, þá ætla ég að benda þér á eitt at-
riði, — hvað þú ert plokkaður yfir kaffibollanum þín-
um. Af hverjum tíu pundum, sem þú kaupir af kaffi,
borgar þú í ríkissjóðinn 3 krónur, og af hverjum 2
pundum af exporti 75 aura, og af hverjum 20 pundum