Réttur - 01.08.1931, Qupperneq 16

128 FRAMSÓKN OG FÁTÆKIR RÆNDUR [Rjettur
nú er hann knúinn til þess af járnharðri nauðsyn, að
taka afstöðu. Tveir kostir eru það, sem hann má velja
um. Annaðhvort að glatast, sökkva til botns, láta
kyrkjast í örvæntingu sinni — eða þá að taka sig til
og ganga í lið með hinum stríðandi stéttarbræðrum
sínum, hinum byltingarsinnuðu öreigum.
Því að enda þótt Jahn hafi lifað lífi og þolað þján-
ingar stéttar sinnar, þá verður hann samt sem áður —
vilji hann hafa hlutdeild í ávöxtum þeim, sem þessi
bræðrastétt hans, verkamannastéttin, mun vinna sér
til handa innan skamms — þá verður hann að taka á
sig skyldur þær, sem því fylgja, að berjast til sigurs
með stétt sinni, þó að líf og limir liggi við.
Framsókn og
fátækir bændur.*
Engum blandast hugur um að íslenskir bændur eiga
nú við hin mestu vandamál að etja og tvísýnt er um
úrlausn þeirra. Fram að þessu hafa, síðan auðvalds-
skipulagið hélt innreið sína á íslandi, hinir vinnandi
bændur sífelt verið að flosna upp af jörðum sínum, á-
búendum farið fækkandi og geta bænda til að halda
kaupafólk sífelt minkað. Sjest hið síðasttalda áþreif-
anlegast á því að 1910 höfðu 6065 vinnukaupendur í
landbúnaði 14754 verkamenn, en 1920 höfðu 6646
vinnukaupendur aðeins 8732, og hefur þetta vafalaust
minkað síðan.
*) Hvað snertir stefnu Kommúnista í bændamálum, vísast til
greinarinnar »Erindi Bolshevismans til bænda« í XV. árg.
»Rjettar«.