Réttur - 01.08.1931, Blaðsíða 41
Rjettur]
TOLLARNIR OG BÆNDUR
153
lögregluvaldi, helst dálitlum her og rambygðum hegn-
ingarhúsum. Til þess að varðveita hreinleika sálarinn-
ar hjá bændasonum þeim, sem sækja skólana í kaup-
stöðunum, eða verða að dvelja á sjúkrahúsum, verður
að reka þaðan alla kommúnista, sem eru sori lágskríls-
ins í kaupstöðunum. — Reykjavíkurvald er eigi aðeins
í Reykjavík, það er allsherjarsamsæri, sem nær yfir
alla helstu kaupstaði landsins.
Svona hljóðar Grýlukvæði Framsóknarflokksins.
En er þá nokkurt Reykjavíkurvald til?
Já, Reykjavíkurvald er til. í Reykjavík er saman
kominn röskur fjórðungur landsbúa. í Reykjavík er
röskur helmingur af öllu auðmagni þjóðarinnar niður
komið. Og hverjir ráða yfir þessu gífurlega auðmagni?
Hverjir ráða yfir bönkunum, fiskveiðaflotanum, hús-
unum, verksmiðjunum og öðrum framleiðslutækjum?
ÞaÖ er fámenn auðmannastjett, sem ræöur yfir öllu
þessu i fjelagi við breska fjármálamoðvaldið og verlc-
færi þess, Framsé>knarstjórnina. Þetta er Reykjavík-
urvaldið. Og angar Reykjavíkurvaldsins eru í öllum
kaupstöðum landsins. Og nú teygir það óðum anga sína
út um sveitirnar, leggur undir sig landið og flæmir
hina vinnandi bændur frá jörðunum.
Og hvert flýja þeir? Á mölina í kaupstaðnum, sökkva
niður í »lágskrílinn« og fá nú að reyna sældarlíf hans.
Og í hverju er þetta sældarlíf fólgið? Eins og allur
þorri Reykjavíkurbúa eiga þeir varla krónu virði af
öllum þeim miljónaauði, sem þar er niður kominn. Þeir
verða að lifa af handafla sínum, og fyrir vinnu sína fá
þeir hvorki meira nje minna en rjett nægilegt til að
halda lífinu í fjölskyldunni þann og þann daginn. f
kjallaraholum verða þeir að búa og á trosi verða þeir
að lifa. Og þegar atvinnuleysið steðjar að, verða þeir
líka að neita sjer um trosið og úthýsing úr kjallara-
holunum vofir yfir höfðum þeirra.