Réttur - 01.08.1931, Qupperneq 75

Rjettur] LANDBÚNAÐARKREPPAN I DANMÖRKU
187
»tillögur« stjómarinnar hafa mætt hjá foringjum
Randers-hreyfingarinnar.
Eini flokkurinn, sem fyrir því berst, að sameina
danska verkamenn og bændur gegn eina óvininum,
kapitalistunum og ríkisvaldi þeirra, er danski komm-
únistaflokkurinn. En hann er enn mjög veikur, og nær
lítið út til bænda. Þó hefir kommúnistum tekist upp á
síðkastið að fletta ofan af Randershreyfingunni á
nokkrum bændafundum. Flokkurinn hefir stilt upp
kröfum fyrir bændur. Helstar þeirra eru þessar:
Smábændum sé gefið land til viðbótar, sem talcist frá
stórjarðeigendum án endurgjalds.
öllum skuldum sé létt af smábændnim, nauðungar-
uppboðum hætt.
Ríkið styrki bændur til að Jcaupa útsæði, áburð, bú-
pening og landbúnaða/rvélar.
Öllum sköttum og tollum sé létt af smábændum.
Engin þessara krafa er óframkvæmanleg í kapital-
istisku þjóðfélagi. Þó mun auðvaldsstéttin og ríkis-
vald hennar berjast með hnúum og hnefum gegn því,
að nokkur þeirra nái fram að ganga. En bændum er
engin önnur leið opin. Þeir verða að hefja gagnsókn á
grundvelli stéttarbaráttunnar, gegn hungursókn kapi-
talista, ef þeir vilja ekki að raunasaga bænda í fasista-
löndunum endurtaki sig í Danmörku. Viðburðir síð-
ustu daga í Danmörku sýna, að nokkrum bændum er
farið að verða þetta Ijóst. Smábændur eru sumstaðar
farnir að stilla upp stéttarkröfum sínum, þrátt fyrir
andstöðu foringjanna. En ef þessi vakning smábænda
á að geta orðið almenn, er nauðsynlegt að kommúnist-
um takist að auka áhrif sín meðal bænda að miklum
mun. Stofna þarf bændaráð um land alt, sem verði
leiðtogi bænda í baráttu þeirra, undir handleiðslu hins
stéttvísa hluta verkalýðsins og foringja hans, komm-
únista.