Morgunblaðið - 14.01.2007, Qupperneq 48

Eftir Birtu Björnsdóttur
birta@mbl.is
Kvikmyndin Little MissSunshine var frumsýndhér á landi í síðustu vikuá vegum Græna ljóssins.
Myndin hefur hlotið góðar viðtökur
hér sem annars staðar í Evrópu og
Bandaríkjunum.
Blaðamaður náði sambandi við
Valerie Faris, annan leikstjóra
myndarinnar, sem stödd var á bið-
stofu tannlæknis í Los Angeles á
dögunum.
Eiginmaðurinn, og hinn leikstjóri
myndarinnar, Jonathan Dayton, var
í stólnum meðan samtalið fór fram.
Hjónin eru afar samrýnd. Þau
hafa verið samstarfsfélagar í meira
en tvo áratugi og að sögn Faris kom
aldrei annað til greina en að leik-
stýra myndinni saman.
„Við vorum samstarfsfélagar áður
en við byrjuðum saman. Þá komum
við okkur upp vinnureglum sem við
förum enn eftir í dag og ég held að
þess vegna gangi samstarfið svona
vel,“ segir Faris.
Ferilinn hófu hjónin á sjónvarps-
stöðinni MTV.
„Þar vorum við í mjög gagnlegum
vinnubúðum ef svo má að orði kom-
ast, sáum um flesta hluta fram-
leiðslu þáttarins The Cutting Edge,
sem var eins konar heimildaþáttur
um hljómsveitir,“ segir Faris en auk
þess hafa þau hjón leikstýrt fjölda
tónlistarmyndbanda fyrir hljóm-
sveitir og tónlistarmenn á borð við
The Smashing Pumpkins, Macy
Gray, Janet Jackson, Oasis og The
Ramones.
„Við höfum svo séð fyrir okkur
síðustu ár með því að leikstýra sjón-
varpsauglýsingum,“ bætir hún við
en meðal þeirra vörumerkja sem
þau hafa auglýst eru IKEA, Gap,
Apple og Sony Playstation.
Meðfram auglýsingagerðinni hafa
þau Dayton svo verið að glugga í eitt
og eitt kvikmyndahandrit. Faris
segir það þó hreint ekki hafa verið
langþráðan draum að leikstýra kvik-
mynd í fullri lengd.
„Við höfum alltaf haft áhuga á öll-
um formum kvikmyndagerðar og
tökum ekkert framyfir annað,“ full-
yrðir hún.
Ekkert spennandi í upphafi
Forsögu Little Miss Sunshine má
rekja um sex ár aftur í tímann þegar
þau Faris og Dayton fengu handrit
Michaels Arndts í hendurnar.
„Tveir framleiðendur sem við höf-
um þekkt í áraraðir bentu okkur á
handritið. Þeir sögðu okkur að það
væri um fjölskyldu sem fer í ferða-
lag því yngsti meðlimurinn er að
fara að taka þátt í fegurðarsam-
keppni. Það fannst okkur satt að
segja ekkert sérstaklega spennandi
hugmynd í upphafi en þegar við lás-
um það féllum við fyrir karakter-
unum. Okkur leið eins og það hefði
verið skrifað fyrir okkur, það var
bráðfyndið en hafði samt þungavigt
og tilfinningar,“ segir Faris.
„Þetta var uppskriftin að einni af
þessum myndum sem við elskum en
sjáum of sjaldan og við ákváðum að
gera allt sem í okkar valdi stæði til
að fá að leikstýra henni.“
Það var þó ekki sjálfsagt því fjór-
tán aðrir leikstjórar fengu handritið
til yfirlestrar og margir höfðu mik-
inn hug á að leikstýra því.
„Við þurftum því að grátbiðja og
einhvern veginn varð handritið okk-
ar,“ segir hún og hlær.
Óttinn við gagnrýnendur
Þau Greg Kinnear, Toni Collette,
Alan Arkin og Steve Carell fara með
aðalhlutverkin í myndinni og segir
Faris þau hjón hafa ráðið mestu um
leikaravalið „enda mikilvægt fyrir
leikstjórana að treysta fullkomlega á
leikarana.
Alveg frá upphafi var það draum-
ur okkar að fá Greg Kinnear til að
fara með hlutverk fjölskylduföð-
urins,“ segir hún. „Til allrar ham-
ingju tók langan tíma að gera mynd-
ina því þegar við loksins komum að
leikaravalinu var Steve Carrell far-
inn að láta að sér kveða og við gátum
fengið hann til liðs við okkur. Hann
var reyndar farinn að leika í The Of-
fice svo tökurnar frestuðust aðeins
en það var þess virði. Hann er frá-
bær í hlutverkinu og varð að leika
það.“
Það eru ekki allir leikstjórar svo
heppnir, já eða hæfileikaríkir, að
frumraun þeirra sé tekið með eins
jákvæðum hætti og raun ber vitni.
Myndin hefur hlotið fjölda verðlauna
og tilnefninga til margra af virtustu
kvikmyndaverðlaunum dagsins í
dag.
Hún vann meðal annars áhorf-
endaverðlaunin á alþjóðlegu kvik-
myndahátíðinni í San Sebastián
og er tilnefnd til Golden Globe-
verðlaunanna sem besta gam-
anmyndin. Auk þess keppast kvik-
myndaskríbentar í Bandaríkjunum
og Evrópu við að hlaða myndina lofi.
Eru viðtökurnar eitthvað sem
Faris bjóst við?
„Nei alls ekki. Við höfum alltaf
gert okkur hugmyndir um eitilharða
gagnrýnendur sem eirðu engum.
Vinir okkar eru reyndar okkar hörð-
ustu gagnrýnendur og þegar við
höfðum sýnt þeim myndina við góð-
ar undirtektir styrktumst við í þeirri
skoðun að við værum á réttri leið.“
Hún bætir við að þótt heiðurinn sé
mikill gefi kvikmyndaverðlaun þeim
ekki eins mikið og að verða vitni að
upplifun áhorfenda að myndinni.
„Það er best þegar fólk segir okk-
ur hvað því fannst að sýningu lokinni
og hlær innilega,“ segir Faris og
bætir við: „Verðlaun eru hluti af
þessu samkeppnisumhverfi sem ég
er ekkert alltof hrifin af.“
Rammpólitísk
Myndin segir sem áður sagði frá
ferðalagi bandarískrar fjölskyldu á
leið með yngsta meðliminn í fegurð-
arsamkeppni fyrir börn.
„Myndin er gagnrýnin á hluti inn-
an bandarísks samfélags. Pabbinn
er staðalímynd þessarar stöðugu
samkeppni og þeirrar skoðunar að
við getum öll orðið best, bara ef við
reynum nógu mikið. Ég held að við
myndum aldrei gera mynd sem væri
án gagnrýni á samfélag okkar,“ seg-
ir Faris og segist rammpólitísk.
„Það er erfitt að búa í Bandaríkj-
unum í dag og vera ekki stöðugt að
gagnrýna stöðu okkar í heiminum í
dag.“
Hún segir kostinn við handritið
fyrst og fremst þann að þar er vakin
athygli á ýmsum meinum samfélags-
ins „án þess þó að taka til þeirra
skýra afstöðu eða rökræða það eitt-
hvað frekar“.
Mælir með bíóferð
Aðspurður upplýsir blaðamaður
leikstjórann um að Little Miss Suns-
hine hafi þegar verið tekin til sýn-
ingar hér á landi.
„Æ ég vildi að við hefðum getað
komið og verið viðstödd frumsýn-
inguna,“ segir Faris að bragði.
„En ef það er eitthvað sem mig
langar að segja við íslenska áhorf-
endur þá vil ég mæla með því að allir
sjái myndina í bíó. Ég held að það sé
skemmtilegra að hlæja saman í hóp
yfir þessari mynd heldur en einn
heima í sófa.“
Faris segir enn ekkert ákveðið um
framhaldið, hvað þau hjón taki sér
næst fyrir hendur.
„Við erum að skoða fjögur handrit
þessa dagana sem bjóða upp á að
verða minni bíómyndir. Við erum nú
ekki komin lengra en það,“ upplýsir
Faris sem talar alltaf í fleirtölu þeg-
ar talið berst að starfi hennar.
„Ég vil ekki gera lítið úr neinum
en við höfum fengið tilboð um að
leikstýra stórum myndum, dýrum
framleiðslum með fullt af starfsfólki
og frægum leikurum. Okkur finnst
það hins vegar ekki eins spennandi
þar sem við viljum geta haldið sjálf
utan um hlutina. Við viljum geta haft
áhrif á handritið og hafa mögu-
leikann á að breyta eftir okkar
höfði.“
Uppskriftin að mynd sem við elskum
Ferð í fegurðarsamkeppni Það kemur ýmislegt uppá í ferðlagi fjölskyldunnar. Abigail Breslin, Toni Collette,
Steve Carrel og Greg Kinnear í hlutverkum sínum í Little Miss Sunshine.
Reuters
Samrýnd Leikstjórarnir og hjónin Valarie Faris og Jonathan Dayton.
Kvikmyndin Little Miss Sunshine hefur fengið nær einróma lof gagnrýnenda víða um heim en hún er
frumraun bæði leikstjóra og handritshöfundar á sviði kvikmynda
Í HNOTSKURN
» Little Miss Sunshine erfyrsta kvikmynd leikstjór-
anna Valerie Faris og Jonat-
hans Daytons.
» Myndin er gerð eftirhandriti Michaels nokkurs
Arndts, en þetta er fyrsta
kvikmyndahandritið sem
hann sendir frá sér.
» Þrátt fyrir þetta erhreint enginn grænjaxla-
svipur á myndinni, sem hefur
fengið nær einróma lof gagn-
rýnenda víða um heim.
» Little Miss Sunshine ersýnd í Smárabíói og
Regnboganum undir merkj-
um Græna ljóssins sem þýðir
meðal annars að ekkert hlé
er gert á sýningu mynd-
arinnar.
staðurstund
Camerarctica leikur meðal ann-
ars verk eftir Telemann og Sjos-
takóvitsj á tónleikum Kamm-
ermúsíkklúbbsins í kvöld. »52
tónleikar
Þorgeir Tryggvason segir að
sýning LR á Degi vonar lukkist
á endanum, þótt ýmislegt sé
við hana að athuga. »52
leiklist
Í sjónspegli segir Bragi Ás-
geirsson m.a. að heimurinn sé
abstrakt og lífið óraunverulegur
raunveruleiki. » 50
myndlist
Búið er að eyða myndbands-
upptökunni sem sýnir þegar
gaddaskata stingur hinn ást-
sæla Steve Irwin til bana. »54
fólk
Jóhann Helgason hefur verið
valinn bæjarlistamaður Sel-
tjarnarness árið 2007, en
þangað flutti hann 1981. » 53
tónlist
|sunnudagur|14. 1. 2007| mbl.is