Morgunblaðið - 14.01.2007, Qupperneq 64

ÁSKRIFT-AFGREIÐSLA 569 1100 SUNNUDAGUR 14. JANÚAR 14. DAGUR ÁRSINS 2007 VERÐ Í LAUSASÖLU 350 KR. MEÐ VSK.
5 6 9 0 9 0 0 0 0 0 9 0 0
5 6 9 1 1 0 0
Ritstjórn: ritstjorn@mbl.is
Auglýsingar: auglysingar@mbl.is
Áskrift: askrift@mbl.is | sími 5691100
mbl.is: netfrett@mbl.is
 Vestan 5–10
metrar á sekúndu
og él, norðaustan
10–15 og snjó-
koma á Vestfjörðum.
Mildast syðst. » 8
Heitast Kaldast
-1°C -8°C
EKKI verður gengið
til íbúakosninga á
Suðurnesjum vegna
fyrirhugaðs álvers
Norðuráls í Helguvík,
segir Árni Sigfússon,
bæjarstjóri Reykja-
nesbæjar, eins og
samtökin Sól á Suð-
urnesjum hafa krafist
eftir stofnfund sinn á
föstudagskvöld. Árni
segir tvær skoðanakannanir hafa verið
gerðar á síðasta ári sem sýnt hafi 77%
stuðning við verkefnið auk þess sem fjöldi
fólks á Suðurnesjum bíði eftir að fá örugg
og vel launuð störf.
„Í kjölfar kynningar og umræðna hefur
staðsetning álversins verið færð fjær
íbúðabyggð þannig að hún er á kjörstað,“
segir Árni og bætir við að nú fari í hönd
eðlileg kynning í gegnum umhverfismat
þar sem íbúar geti sett fram athugasemd-
ir. „Við teljum að þetta séu mjög eðlileg
vinnubrögð af okkar hálfu.“
Aðspurður hvort fyrirhugaðar kosn-
ingar í Hafnarfirði um stækkun álversins í
Straumsvík kalli ekki á sambærilega kosn-
ingu á Suðurnesjum segir Árni aðstæður
gjörólíkar.
„Þar eru áhyggjur manna fyrst og
fremst vegna nálægðar við íbúðabyggð
sem ekki er í okkar tilviki. Þar eru að-
stæður líka aðrar, hér upplifðum við
stærstu hópuppsagnir í sögu þjóðarinnar á
síðasta ári og sjö hundruð manns þurftu
að leita sér að öðru starfi í skyndi,“ segir
Árni og tekur fram að það hafi nær allir
gert en í mörgum tilvikum sé um að ræða
verr launuð störf eða störf til skamms
tíma.
Ekki kosið á
Suðurnesjum
Árni
Sigfússon
MAÐURINN sem slasaðist í alvarlegu um-
ferðarslysi við Munaðarnes á föstudag
liggur enn þungt haldinn á gjörgæsludeild
Landspítala – háskólasjúkrahúss. Sam-
kvæmt upplýsingum frá svæfingalækni
fór maðurinn í aðgerð aðfaranótt laug-
ardags og tókst hún vel. Honum er haldið
sofandi í öndunarvél og er líðan hans eftir
atvikum.
Haldið sofandi
í öndunarvél
BRESKA net-
ferðaþjónustufyr-
irtækið Cheap-
flights hefur keypt
hlut í íslenska flugleitarvefnum dohop.-
com. Í tilkynningu frá fyrirtækjunum seg-
ir að um umtalsverðan hlut sé að ræða en
kaupverðið verði ekki gefið upp.
Frosti Sigurjónsson, stofnandi og fram-
kvæmdastjóri dohop.com, segir að Cheap-
flights sé öflugt fyrirtæki og það sé spenn-
andi að fá það til liðs við dohop.com.
„Cheapflights hafa mikla þekkingu og
sambönd á þessum markaði sem geta auð-
veldað dohop að ná sínum markmiðum,“
segir hann.
Starfsemi dohop.com hófst árið 2004. Á
vefnum er leitað að ódýrasta flugi á tiltek-
inni flugleið. Vefurinn var sá fyrsti í heim-
inum sem hægt var að nota til að finna
tengiflug með lággjaldaflugfélögum.
Þjónusta dohop.com er notendum að
kostnaðarlausu.
Cheapflights, sem er vefur þar sem leit-
aðir eru uppi flugmöguleikar á milli tiltek-
inna staða á svipaðan hátt og hjá dohop.-
com, hóf göngu sína árið 1996. Á árinu
2003 hóf fyrirtækið starfsemi í Bandaríkj-
unum, en frá upphafi hefur það skilað
hagnaði.
Breskt félag kaup-
ir hlut í leitarvél-
inni dohop.com
SÍÐUSTU tveir dagar hafa verið með þeim
annasamari í snjóhreinsun í borginni það sem
af er vetri og hafa menn á allt að 50 snjóruðn-
ingstækjum, stórum og smáum, verið ræstir út
til að greiða fyrir samgöngum. Reikna má með
að moksturinn kosti borgina um sex milljónir
króna á dag og eru þá tekin með í reikninginn
snjóruðningur og hálkueyðing á götum og
gönguleiðum. Reykjavíkurborg sjálf á engin
snjóruðningstæki en snjóruðningur á gatna-
kerfinu er boðinn út og sinnt af verktökum og
fyrirtækjum. Mikil áhersla hefur verið lögð á
snjóhreinsun og má búast við áframhaldandi
vinnu á því sviði um helgina.
Að sögn Guðbjarts Sigfússonar, yfirverk-
fræðings hjá framkvæmdasviði Reykjavík-
urborgar, var moksturinn á föstudag vissu-
lega með þeim erfiðari, þótt snjómoksturs-
menn hafi hins vegar séð það miklu svartara
áður. „Það er þæfingur víða en engin ófærð og
þetta er því ekki mjög slæmt,“ sagði hann.
Að sögn Einars Sveinbjörnssonar veð-
urfræðings hefur ekki verið jafnmikill snjór í
Reykjavík síðan í desember árið 2001. Þá
mældist mesta snjódýpt 31 sentímetri en í
gærmorgun var hún 24 sentímetrar. Einar
segir það athyglisvert að snjódýpt sé nú víða
meiri sunnan- og vestanlands en fyrir norðan.
Það heyri til tíðinda á þessum árstíma að
snjórinn sé meiri í Reykjavík en á Akureyri.
Morgunblaðið/Ómar
Mokað fyrir sex milljónir á dag
Meiri snjór í Reykjavík en fyrir norðan og sá mesti frá því í desember 2001
Eftir Orra Pál Ormarsson
orri@mbl.is
SÉRFRÆÐILÆKNAR á Barna-
og unglingageðdeild Landspítala –
háskólasjúkrahúss (BUGL) gagn-
rýna stjórnendur spítalans fyrir að
bregðast ekki við alvarlegum at-
hugasemdum við stjórnunarlega
stöðu BUGL innan LSH.
„Í allri góðri stjórnun er það
grundvallaratriði að ábyrgðar- og
valdsvið fari saman. Stjórnunin
þarf líka að fara sem mest fram á
vettvangi, þ.e. þeir sem eru að taka
ákvarðanir um störf og starfsmenn
þurfa að vera á staðnum eins og
kostur er. Þetta grundvallaratriði
er ekki virt hvað varðar BUGL,“
segja læknarnir.
Engar breytingar á
stjórnunarfyrirkomulagi
Þeir segja þetta ítrekað hafa
verið gagnrýnt undanfarinn áratug
og þörf sé fyrir úrbætur. „Spítalinn
hefur ekki bætt úr þessu og rökin
eru aðallega þau að ekki megi gefa
fordæmi gagnvart öðrum deildum
eða sérgreinum um frávik frá mið-
stýrðu stjórnunarfyrirkomulagi
spítalans.“
Læknarnir segja stjórnkerfið
óviðunandi. „Við þekkjum víða til
og fullyrðum að þessu er ekki kom-
ið fyrir með þessum hætti á Norð-
urlöndunum, í Bretlandi og Banda-
ríkjunum og gerum ráð fyrir að
sama máli gegni um aðrar þjóðir á
Vesturlöndum.“
Forstjóri LSH boðaði nýverið til
fundar um fagleg málefni BUGL
og gagnrýna læknarnir að á þann
fund hafi hann aðeins boðað þrjá
aðila af deildinni en sjö utan henn-
ar. Skömmu fyrir jól hélt forstjóri
síðan fund með starfsfólki BUGL
þar sem hann tilkynnti að engar
breytingar yrðu gerðar á stjórnun-
arfyrirkomulagi deildarinnar.
Á síðasta ári unnu sænskir
læknar skýrslu um málið fyrir heil-
brigðisráðherra og eru læknarnir á
BUGL ósáttir við að ráðherra skuli
ekki hafa beitt sér fyrir þeim úr-
bótum sem skýrsluhöfundar telja
nauðsynlegar, heldur segi hann
fyrirkomulag BUGL á ábyrgð
stjórnar LSH. „Þar horfir forstjóri
spítalans framhjá alvarlegri og vel
rökstuddri gagnrýni skýrslunnar
og tilkynnir að hann sjái ekki
ástæðu til breytinga.“
Segja stjórnkerfi deildar-
innar vera óviðunandi
Sérfræðilæknar Barna- og unglingageðdeildar telja stjórnendur Landspít-
alans ekki bregðast við alvarlegum athugasemdum við stöðu BUGL
Í HNOTSKURN
»Læknar á BUGL eruósáttir við að ráðherra
skuli ekki hafa beitt sér fyrir
úrbótum sem sænskir
skýrsluhöfundar telja nauð-
synlegar.
»Forstjóri LSH boðaði ný-verið til fundar um BUGL
og gagnrýna læknarnir að á
þann fund hafi hann aðeins
boðað þrjá aðila af deildinni.
Morgunblaðið/Golli
Brothætt börn | 10–19