Morgunblaðið - 10.06.2007, Blaðsíða 76
76 SUNNUDAGUR 10. JÚNÍ 2007 MORGUNBLAÐIÐ
AUÐLESIÐ EFNI
Haf-rannsókna-stofnun hefur
lagt til að hámarks-afli
þorsks á næsta fiskveiði-ári
verði 130 þúsund tonn. Það
er 63 þúsund tonnum minna
en á liðnu ári. Um er að ræða
u.þ.b. 30% skerðingu á
þorsk-kvóta á milli ára. Allir
eru sam-mála um að málið
sé alvar-legt.
Margir telja nauðsyn-legt
að fara í
grundvallar-endurskoðun á
fiskveiði-stjórnunar-kerfinu
og þeirri aðferða-fræði sem
notuð hefur verið við
ákvörðun afla-marks.
Einar K. Guðfinnsson
sjávarútvegs-ráðherra segir
að skerðing aflans um
þriðjung, niður í 130 þúsund
tonn, hefði gríðar-mikil áhrif
fyrir þjóðar-búið og byggðir
landsins og þá sér í lagi þær
sem nú þegar standa veikt.“
Náttúru-verndar-samtök
Íslands skora á
sjávarútvegs-ráðherra að fara
að ráð-gjöf
Haf-rannsókna-stofnunar og
lækka afla-reglu fyrir
þorsks-tofninn úr 25% af
veiði-stofni í undir 20% af
veiði-stofninum ár-lega.
„Gríðar-mikil áhrif fyrir þjóðar-búið“
Morgunblaðið/Brynjar Gauti
Jón Ásgeir
Jóhannesson
hættir sem
for-stjóri
Baugs en
tekur við
sem
starfandi
stjórnar-
formaður. Þetta var kynnt á
aðal-fundi Baugs Group sem
haldinn var á föstu-daginn.
Gunnar S. Sigurðsson
verður forstjóri Baugs. Jón
Ásgeir segir í
frétta-tilkynningu um
breytingarnar: „Hin mikla
stærð og um-fang [Baugs
Group] kallar á breytt
skipulag til að vöxtur og
vel-gengni félagsins geti
haldið áfram. Við höfum sett
okkur þau markmið að verða
stærsta
fjárfestingar-fyrirtæki í
heiminum í fjár-festingum
tengdum verslunar-rekstri
innan 5 ára.“
Jón Ásgeir
hættir sem
for-stjóri
Jón Ásgeir
Steingrímur opnar á
Feneyjar-tvíæringnum
Á fimmtu-daginn opnaði
Steingrímur Eyfjörð sýningu
sína á Feneyja-tvíæringnum,
sem er einn mesti
list-viðburður í heimi.
Steingrímur er full-trúi
Íslands og sýnir meðal
annars huldu-kind, tröll og
umferðar-skilti en sýninguna
kallar hann Lóan er komin.
Menntamála-ráðherra,
Þorgerður Katrín
Gunnarsdóttir, ávarpaði
sýningar-gesti.
J.M. Coetzee kemur á
bókmennta-hátíð
Bókmennta-hátíðin í
Reykja-vík verður haldin í 8.
skipti 9.-15. september.
Tuttugu höf-undar frá 4
heims-álfum verða gestir
há-tíðarinnar og þeirra á
meðal eru margir
heims-þekktir höfundar, eins
og J.M. Coetzee og Roddy
Doyle. Höfuð-áhersla
há-tíðarinnar verður á
sam-band veraldar-sögu,
skáld-skapar og ævi-sagna.
Arnaldur fær frönsk
verð-laun
Grafar-þögn eftir Arnald
Indriðason hlaut Grand Prix
des Lectrice de
Elle-verð-launin í Frakk-landi í
síðustu viku. Þau eru þekkt
verð-laun sem hafa verið
veitt í fagur-bókmenntum frá
1970 og fyrir glæpa-sögur frá
2003.
Menning
Sex-tugur ör-yrki, Ómar
Önfjörð Kjartansson,
skað-brenndist um miðjan
maí. Hann fékk yfir sig allt
að 80°C heitt vatn þegar
hann var í sturtu í íbúð
sinni í Hátúni 10b. Djúp 2.
og 3. stigs bruna-sár þekja
um 20% líkama Ómars.
Hann er á bata-vegi en þó
er ekki víst hvort hann lifir
slysið af.
Ef vatnið í sturtunni hefði
ekki verið heitara en 55°C
hefði Ómar lík-lega sloppið
við að brennast.
Húsið sem Ómar býr í er í
eigu Brynju – hús-sjóðs
Ör-yrkja-banda-lags Íslands,
en þar er verið að koma
fyrir hita-stýrðum
blöndunar-tækjum.
Brenndist
í sturtu
Á föstu-daginn lauk 3 daga fundi leið-toga G8
ríkjanna, 8 helstu iðn-ríkja heims. Hann var
haldinn í Þýska-landi.
Meiri árangur var af fundinum er leit út fyrir
í upp-hafi. Samkomu-lag náðist um að stefna
að mjög mikilli minnkun á út-blæstri
gróðurhúsa-lofttegunda. Einnig að sam-þætta
áætlun Banda-ríkjanna að-gerðum
Sam-einuðu þjóðanna í umhverfis-málum.
Angela Merkel, kanslari Þýska-lands, og
aðrir Evrópu-leiðtogar vildu setja fram ákveðin
mark-mið um tíma-settar skuld-bindingar.
Þannig átti að minnka út-blástur
gróðurhúsa-lofttegunda um að minnsta kosti
helming fyrir árið 2050. Þetta vildi George W.
Bush Bandaríkja-forseta ekki sam-þykkja.
And-staða hans linaðist þó mikið við ýmsar
að-gerðir sem hann hafði áður talið óþarfar.
Angela Merkel var því mjög ánægð eftir
fundinn og sagði:„Við náðum besta árangri
sem við gátum náð.“
Mála-miðlun í
loftlags-málum
Reuters
Merkel býður Bush vel-kominn.
Samkvæmis-ljóninu og
hótel-erfingjanum Paris
Hilton var sleppt úr fang-elsi í
Kaliforníu í Banda-ríkjunum á
fimmtu-dag og stungið aftur
inn á föstu-dag. Hún hafði
af-plánað 3 daga. Henni var
sleppt af heilsufars-legum
ástæðum sam-kvæmt
læknis-ráði, en dómari
reyndist ósammála þeirri
ákvörðun og fyrirskipaði að
hún skyldi fangelsuð á ný.
Mamma, hrópaði Hilton
þegar hún var flutt í
fangelsið. Hún hlaut dóminn
fyrir að aka undir áhrifum
áfengis og brjóta skil-orð.
Ýmsir höfðu gagnrýnt
ákvörðunina um að sleppa
Hilton á þeirri forsendu að
hinir ríku ættu að búa við
sama réttarfar og aðrir.
Paris Hilton sleppt
og stungið inn á ný
Reuters
Paris Hilton
Ís-lenska fimleika-fólkið stóð
sig frábær-lega í
úrslita-keppninni á
áhalda-fimleikum á
Smáþjóða-leikunum í
Mónakó á fimmtu-dag. Alls
vann það til 13 verð-launa.
Viktor Kristmannsson gerði
sér lítið fyrir og vann 5
verð-laun og Fríða Rún
Einarsdóttir, sem er
sex-faldur
Norður-landa-meistari, vann
3 verð-laun. Þau hrósuðu
bæði sigri í fjöl-þrautinni.
Þetta er í fyrsta sinn sem
keppt er í fim-leikum á
smáþjóða-leikunum.
Einnig gekk vel í sundinu.
Örn Arnarson setti
Íslands-met í 50 metra
skrið-sundi en Íslendingar
unnu 5 gull-verðlaun í
sund-keppninni og 7
verð-laun alls.
Frá-bær árangur
Ís-lendinga í Mónakó
Ljósmynd/Kristinn Ingvarsson
Viktor Kristmannsson
Netfang: auefni@mbl.is