Morgunblaðið - 10.06.2007, Side 91

MORGUNBLAÐIÐ SUNNUDAGUR 10. JÚNÍ 2007 91
Allir umsækjendur eiga að sækja um rafrænt á
www.menntagatt.is.
Þann 11. júní geta umsækjendur fengið aðstoð við
frágang umsókna, veflykla og frekari upplýsingar
um námsval, hraðferðir o.fl. Opið er þann dag frá
kl. 9–18.
Námsskipulag er sveigjanlegt og býður m.a. upp á
breidd í menntun, dýpkun á afmörkuðum sviðum
og nám til viðbótar 140 einingum eftir því sem
nemandi kýs. Nemendur sem stunda nám í tónlist
eiga möguleika á að fá það metið inn á kjörsvið.
Námstími er háður vilja og getu nemandans en er
að lágmarki 3 ár að loknu grunnskólaprófi á öllum
brautum.
Námsbrautir eru félagsfræðabraut, málabraut,
listdansbraut, náttúrufræðibraut og alþjóðleg
námsbraut (IB) sem lýkur með International
Baccalaureate Diploma.
IB nám er þriggja ára stúdentsprófsnám fyrir
dugmikla nemendur. Að loknu undirbúningsári
tekur við tveggja ára nám en því lýkur með
samræmdu alþjóðlegu stúdentsprófi. Námið fer
fram á ensku.
IB prófskírteini veitir inngöngu í fjölda virtra
háskóla um allan heim.
Rektor.
Menntaskólinnvið Hamrahlíð
innritun
nýrra nemenda
fyrir haustönn 2007
Upplýsingar fás
t í síma skólans
595 5200
og á www.mh.is
Fyrirspurnir um
IB nám má send
a á
netfangið ibstal
lari@mh.is
Innritun fyrir haustönn 2007 í MH lýkur 11. júní
THE INVISIBLE kemur á óvart, en á röng-
um forsendum. Í stað hrollvekjuhlutverksins
sem henni er ætlað blasir við rómantísk ást-
arsaga sem gerist á óvissum mörkum lífs og
dauða. Reyndar kemur við sögu ung og efnileg
leikkona sem lífgar upp á atriðin sem hún
kemur fram í. Aðalkarlleikarinn er á hinn bóg-
inn grútmáttlaus og honum er gjörsamlega
fyrirmunað að vinna minnstu samúð áhorfand-
ans.
Sagan, sem er byggð á sænskri, og hugs-
anlega góðri hryllingsmynd frá 2002, er yf-
irmáta aulaleg, a.m.k. þegar höfð eru í huga
vel heppnuð verk um hliðstætt efni, eins og Ja-
cob’s Ladder og The Others.
Nick (Chatwin) er klár og krúttlegur nem-
andi í síðasta bekk í menntó og hyggst halda í
framhaldsnám í London. Babb kemur í bátinn
þegar bekkjarvillingurinn Annie (Levieva)
grunar hann um að hafa kjaftað um vafasamar
gjörðir sínar í lögguna og gengur af honum
dauðum … að hún heldur, því sálin úr Nick
vafrar um bæinn í spæjarastellingum, laus við
hálfdauðan líkamann þar sem hann er falinn
úti í skógi.
Framhaldið er verri eftirlíking af Ghost en
The Sixth Sense (sem henni er greinilega ætl-
að að líkjast).Vofunni vegnar vel við að upplýsa
eigið morð og ástæðulaust að fara frekar út í
þá sálma.
Vofan og villingurinn
KVIKMYNDIR
Háskólabíó
Leikstjóri: David S. Goye. Aðalleikarar: Justin
Chatwin, Margarita Levieva, Marcia Gay Harden. 97
mín. Bandaríkin 2007.
Sá ósýnilegi/The Invisible
 Slök „Sagan, sem er byggð á sænskri, og hugsanlega góðri hryllingsmynd frá 2002, er yf-
irmáta aulaleg, a.m.k., þegar höfð eru í huga vel heppnuð verk um hliðstætt efni.“ Sæbjörn Valdimarsson
PARIS Hilton, þekktust fyrir
skemmtanagleði og raunveru-
leikaþætti, var flutt í fangelsi á ný í
gær. Hún fór þó ekki beint í klefa
sinn í kvennaálmunni heldur til
læknis. Hilton er illa haldin andlega
að sögn fógeta í umdæminu, Lee
Baca, sem vildi heldur að hún lyki
refsivistinni heima hjá sér í stofu-
fangelsi.
Dómari tók það hins vegar ekki í
mál og sendi hana aftur í fangelsið í
fyrradag. Baca sagði á blaða-
mannafundi í gær að starfsfólk í
fangelsinu hefði verið ráðþrota
gagnvart vanda Hilton. Hann vildi
ekki ræða veikindi Hilton frekar.
Reuters
Illa haldin Paris Hilton er vansæl.
Hilton sögð
veik á geði
BANDARÍSKI leikarinn Isaiah
Washington er „virkilega reiður“ út í
framleiðendur Grey’s Anatomy þátt-
anna fyrir að hafa sagt sér upp, að
sögn talsmanns Washington.
Leikaranum þykir einkum und-
arleg tímasetningin. Hann lét
ósmekkleg orð falla í garð meðleik-
ara síns við afhendingu Golden
Globe verðlaunanna í janúar síðast-
liðnum. Sé það ástæða brottrekst-
ursins þykir leikaranum að eðlilegra
hefði verið að reka hann úr þátt-
unum þá.
Washington mun hafa farið eftir
skilyrðum sem ABC-sjónvarps-
stöðin, framleiðandi þáttanna, setti
honum eftir atvikið, m.a. beðist op-
inberlega afsökunar. Talsmaður
Washington segir ekki útilokað að
Washington lögsæki ABC fyrir
brottreksturinn. Fullsnemmt sé að
segja til um það.
Reuters
Illur Isiah Washington.
Ósáttur við
brottrekstur