Morgunblaðið - 15.12.2007, Blaðsíða 4

4 LAUGARDAGUR 15. DESEMBER 2007 MORGUNBLAÐIÐ
FRÉTTIR
SUBARU-bifreið Friðjóns Fannars
Hermannssonar var stolið í gær-
morgun í ofsaveðrinu í Reykjavík,
svo hann stóð eftir á götunni í rok-
inu bíllaus og lyklalaus. Hann fann
bílinn síðdegis í gær fyrir tilviljun.
Friðjón var að bera Morg-
unblaðið út við neðanverðan
Laugaveg og skildi bílinn eftir í
gangi á meðan hann stökk inn í hús
til þess að skila af sér blaði. „Ég var
eiginlega búinn og færði bílinn
neðst á Laugaveginn til að bera út í
síðustu húsin. Ég vék frá bílnum í
svona þrjátíu sekúndur og þá
heyrði ég að bílhurð var skellt. Ég
leit við, því það var enginn á ferli,
og sá bara í rassinn á bílnum þegar
hann brunaði í burtu,“ sagði Frið-
jón.
Friðjón var með síma á sér og
hringdi strax í Neyðarlínuna. „Þeir
kölluðu þetta út strax en sögðu mér
að ég þyrfti að fara upp á Hverf-
isgötu og tilkynna þetta. Það að
labba þarna upp á lögreglustöð eins
og veðrið var, var ekki það
skemmtilegasta sem ég hef lent í.“
Það fyrsta sem Friðjóni datt í hug
var að einhver félagi hans væri að
gera at í honum en hann áttaði sig
fljótt á því að svo var ekki. „Þetta
er eiginlega of súrt til að vera grín.
Ég held svona í alvörunni að það
hafi einhver ógæfumaður rambað á
bílinn í vonda veðrinu og ákveðið
að grípa hann.“
Á sömu lyklakippu og bíllykl-
arnir voru húslyklar. Friðjón hafði
áhyggjur af því og skipti í gær um
hurðaskrárnar til öryggis og gerði
sér síðan ferð niður í Brynju til að
láta smíða fleiri lykla að nýju
skránum.
Fannst fyrir tilviljun
Hann lagði leið sína um Njáls-
götu og sá sér til undrunar hvar
bíllinn hans stóð. Þegar Friðjón
kom að bílnum tók hann í hurð-
arhúninn farþegamegin og fann að
bíllinn var kirfilega læstur. Hann
hringdi strax í lögregluna og lét
vita að bíllinn væri fundinn. Tveir
lögreglumenn komu á staðinn.
„Þeir sögðu að fyrst ég væri með
aukalykil skyldi ég bara keyra í
burtu,“ sagði Friðjón. Búið var að
gramsa í öllu lauslegu, en sá sem
fékk bílinn „lánaðan“ hafði samt
haft fyrir því að læsa honum kirfi-
lega svo enginn gæti stolið honum!
Friðjón kvaðst hafa lært af þessu:
„Það er að skilja ekki bílinn eftir í
gangi. Eins að læsa bílnum. Það er
eitthvað sem ég hef hlegið að í
mörg ár – en nú held ég að ég hlæi
ekki lengur að því,“ sagði Friðjón.
Bílnum var stolið
á þrjátíu sekúndum
Blaðberi horfði á
eftir bílnum sínum
niður Laugaveg
VIÐSKIPTARÁÐHERRA hefur
lagt fram stjórnarfrumvarp til inn-
heimtulaga á Alþingi. Þar eru skil-
greind ýmis skilyrði fyrir rekstri
innheimtustarfsemi. Einnig verður
eftirlitsskylda Fjármálaeftirlitsins
með slíkri starfsemi fest í lög.
Markmiðið er aðallega að setja
meginreglur um innheimtustarf-
semi til hagsbóta fyrir neytendur.
Þar er kveðið á um góða inn-
heimtuhætti, „án þess að beita
óhæfilegum þrýstingi, tjóni eða
óþægindum“. Einnig að skuldara
verði send skrifleg viðvörun um að
vænta megi frekari innheimtuað-
gerða. Þannig má draga úr óeðli-
legum kostnaði skuldara vegna
innheimtuaðgerða á frumstigi.
Fólk geti greitt skuldir með
lágmarkskostnaði
Gengið er út frá því að skuld-
arar eigi almennt kost á að greiða
skuldir innan stutts frests með
lágmarkskostnaði, áður en gripið
er til frekari innheimtuaðgerða á
grundvelli réttarfarslaga.
Jón Þór Sturluson, aðstoðar-
maður Björgvins G. Sigurðssonar
viðskiptaráðherra, sagði að með
innheimtulögum væri verið að
setja lagaramma um innheimtu-
starfsemi eins og til er um aðra
fjármálastarfsemi. Áður hafa ekki
verið sett sérstök lög um inn-
heimtustarfsemi hér á landi. Jón
Þór sagði að ætlunin með laga-
setningunni væri meðal annars að
sporna við „ótilhlýðilegum rukk-
unum“ en ekki að hefta eðlilega
starfsemi innheimtufyrirtækja.
Einnig verður innheimtustarfsemi
gerð eftirlitsskyld.
„Það er heimild til reglugerð-
arsetningar af hálfu ráðherrans til
að setja þak á ýmsar tegundir inn-
heimtukostnaðar, að fenginni um-
sögn og áliti hagsmunaaðila,“
sagði Jón Þór. Hann sagði að drög
að reglugerðinni yrðu kynnt við
nánari vinnslu málsins í þinginu.
Þar sé á þessu stigi einungis horft
til kostnaðar við fyrstu innheimtu
almennra skulda. Þessu megi ekki
rugla saman við réttarfarslegar
innheimtuaðgerðir, stefnur og
slíkt.
Frumvarp um inn-
heimtu lagt fram
Þak á ýmsar gerðir innheimtukostnaðar
HALLGRÍMUR Snorrason hag-
stofustjóri hefur ákveðið að láta af
störfum um áramótin. Hinn 1. janúar
2008 verður Hagstofa Íslands lögð
niður sem ráðuneyti. Magnús S.
Magnússon, núverandi staðgengill
hagstofustjóra, verður settur til að
gegna starfinu þar til nýr hagstofu-
stjóri hefur verið skipaður.
Samkvæmt lögum, sem Alþingi
samþykkti 10. desember sl., verður
Hagstofan sjálfstæð stofnun sem
heyrir undir forsætisráðherra. Í 1.
gr. laganna segir að Hagstofan sé
miðstöð opinberrar hagskýrslugerð-
ar í landinu og hafi forystu um til-
högun, samræmingu og framkvæmd
hennar svo og um samskipti við al-
þjóðastofnanir á þessu sviði.
Hallgrímur tók við starfi hag-
stofustjóra í ársbyrjun 1985 og hefur
því gegnt starfinu í 23 ár, lengst allra
núverandi hagstofustjóra í heimin-
um. Starfið verður auglýst á sunnu-
daginn kemur og er umsóknarfrest-
ur til 10. janúar 2008.
Breytingar
hjá Hag-
stofunni
„ÞAÐ VAR auð-
vitað mjög ein-
kennilegt að á
sama tíma og
gripið var til mót-
vægisaðgerða
vegna niður-
skurðar í þorsk-
kvóta hækkaði
skattlagning á út-
gerðir, einmitt á
sama ári og áfall-
ið kemur,“ segir
Arnbjörg Sveinsdóttir, formaður
sjávarútvegs- og landbúnaðarnefnd-
ar Alþingis, um þá ákvörðun nefnd-
arinnar að lækka tímabundið veiði-
gjald sem útgerðir greiða. Lög um
það voru samþykkt á Alþingi í gær en
jafnframt er veiðigjald á þorsk og
rækju fellt niður til tveggja ára.
Arnbjörg segir að fyrirliggjandi
útreikningar fyrir þetta fiskveiðiár
hafi sýnt að útgerðirnar myndu sam-
tals greiða milljarð í ríkissjóð en á
síðasta ári hafi fjárhæðin verið 440
milljónir. „Þegar við sáum að þrátt
fyrir að við felldum niður veiðigjald á
þorski yrði veiðigjaldið engu að síður
í heild 728 milljónir ákváðum við að
lækka álagningarprósentuna,“ segir
Arnbjörg en álagningin miðar alltaf
við afkomu árið áður. Álagningarpró-
sentan verður því 4,8% fyrir þetta og
næsta fiskveiðiár en hefði að
óbreyttu verið 8% í ár og 9,5% á
næsta ári.
„Heildargreiðslurnar verða þær
sömu og á síðasta fiskveiðiári,“ segir
Arnbjörg og svarar því aðspurð að
þegar mótvægisaðgerðir vegna nið-
urskurðar í þorskkvóta hafi verið
ákveðnar hafi menn ekki gert sér
grein fyrir að veiðigjaldið væri í raun
að hækka. En telur hún koma til
greina að fella veiðigjaldið niður?
„Frá mínum bæjardyrum séð er
þetta óréttlát skattlagning,“ segir
Arnbjörg og bætir við að þarna þurfi
ein atvinnugrein umfram aðrar að
greiða skatt. Ef um auðlindaskatt
væri að ræða ætti hann að ganga yfir
alla, t.d. þá sem nýta orkuauðlindirn-
ar. „En þetta var niðurstaða af
ákveðinni vinnu og gert til að ná sátt-
um um fiskveiðistjórnunarkerfið,“
segir Arnbjörg og áréttar að almennt
séð sé hún mótfallin skattlagningu.
Veiðigjaldið sé það
sama og á síðasta ári
Útgerðir beri ekki þyngri bagga þegar afkoman er verri
Arnbjörg
Sveinsdóttir
Í HNOTSKURN
» Veiðigjald var tekið upp árið2002.
» Það er lagt á veiðiheimildirsem útgerðir fá og er grund-
vallað á aflaverðmæti.
ÍSLANDSPÓSTUR efndi í gær til
útgáfuhófs vegna útkomu nýrra frí-
merkja sem gefin hafa verið út í
haust.
Nýlega kom út frímerki til að
minnast 100 ára afmælis Klepps-
spítala. Af því tilefni afhenti Ingi-
mundur Sigurpálsson, forstjóri Ís-
landspósts, styrk að upphæð ein
milljón króna til Barna- og ung-
lingageðdeildar Landspítalans
(BUGL). Guðrún Bryndís Guð-
mundsdóttir, yfirlæknir á BUGL,
veitti styrknum viðtöku. Pening-
arnir munu renna í sjóð sem varið
verður til að kaupa húsnæði fyrir
foreldra veikra barna utan af landi
sem koma í meðferð til Reykjavík-
ur.
Einnig var fagnað útgáfu tveggja
annarra frímerkja sem komu út í
haust. Annars vegar er frímerki
sem gefið var út í tilefni af 200 ára
fæðingarafmæli Jónasar Hall-
grímssonar. Hitt frímerkið kom út í
tilefni nýrrar þýðingar Biblíunnar
á íslensku.
Pósturinn styrkir BUGL
Morgunblaðið/Kristinn
Húsnæðiskaup Guðrún Bryndís Guðmundsdóttir, yfirlæknir á BUGL, tók við styrk frá Íslandspósti.
Íslandspóstur fagnaði útkomu nýrra frímerkja og gaf milljón króna styrk
Þú getur valið úr fjölbreyttu úrvali
ferða hjá þremur ferðaskrifstofum.
Allt í einu gjafabréfi.
Úrval-Útsýn: 585 4000
Sumarferðir: 514 1400
Plúsferðir: 535 2100