Morgunblaðið - 15.12.2007, Blaðsíða 22

22 LAUGARDAGUR 15. DESEMBER 2007 MORGUNBLAÐIÐ
MENNING
Eftir Einar Fal Ingólfsson
efi@mbl.is
ÁKVEÐIÐ hefur verið í borgarráði
að hækka þá upphæð sem Listasafn
Reykjavíkur hefur til listaverka-
kaupa um þrjár milljónir króna á ári.
Að sögn Hafþórs Yngvasonar safn-
stjóra hefur safnið haft tæpar 15
milljónir króna til kaupa á ári upp á
síðskastið og hefur sú upphæð staðið
í stað. Á næsta ári mun safnið því
hafa tæpar 18 milljónir króna til ráð-
stöfunar.
„Það er áhugi og skilningur hjá
borginni á því að upphæðin þurfti að
hækka og vonandi verður hún tengd
verðlagsþróun og hækkar í samræmi
við aðrar hækkanir,“ segir Hafþór.
Varla hefur verið vanþörf á því að
hækka upphæðina, ef mið er tekið af
því að verk margra íslenskra lista-
manna hafa hækkað verulega í verði.
„Verk sumra eldri listamanna
hafa hækkað umtalsvert, til dæmis
þegar þau koma á uppboðin. Maður
finnur hinsvegar ekki svo mikla
breytingu milli ára á verkum yngri
listamanna. En verð hér eru alls ekki
lágt, í samanburði við verð á verkum
ungra listamanna erlendis. Mark-
aðurinn hér er auðvitað minni og fólk
selur ekki eins mörg verk, en verðið
er, sem betur fer, alveg eðlilegt.“
– Svo sjáum við verð á verkum
ákveðinna listamanna af millikyn-
slóðinni rjúka upp. Er ekki erfitt fyr-
ir ykkur að keppa við það?
„Verk eftir Eggert Pétursson eru
vissulega orðin mjög dýr, rétt eins
og verk Georgs Guðna, og við fylgj-
umst með velgengni fleiri, eins og
Steingríms Eyfjörð. Verk hans hafa
margfaldast í verði og hann er nú hjá
einu af betri galleríum í New York
og er settur í flokk með öðrum lista-
mönnum sem eru búnir að sanna sig.
Nú geta allir nagað sig í hand-
arbökin sem keyptu ekki eftir hann
verk í fyrra,“ segir Hafþór og brosir.
„Við eigum nokkur eldri verk eftir
hann og svo keyptum við aðalverkið
á sýningunni í Feneyjum, fjárrétt-
ina, og erum mjög ánægð með það.
Steingrímur er og verður mik-
ilvægur listamaður.“
Getum ekki keppt um verk
Umhverfi myndlistarinnar hefur
tekið talsverðum breytingum síð-
ustu misserin og ein birting-
armyndin er sú að söfnurum virðist
vera að fjölga. Ákveðinn hópur er
reiðubúinn að eyða meiri peningum í
myndlist en áður. Í nálægum löndum
er samspil safnara og safna mjög
mikilvægt, og oft er sagt að það þjóni
öllum. Safnari kaupir lykilverk lista-
manns, ákveður að gefa það safni og
fær við það skattaafslátt, og allir
græða á vissan hátt; listamaður sel-
ur, safnið eignast mikilvægt verk
sem almenningur nýtur, og kaup-
andinn fær hluta kaupverðsins til
baka. Finnst Hafþóri þörf á að
hvetja safnara til að gefa verk, og
löggjafann þá til að auka skattaíviln-
anir, í ljósi þess að sífellt verður erf-
iðara fyrir söfnin að keppa við efn-
aða einstaklinga um mikilvæg
listaverk?
„Það er engin spurning. Segja má
að hugsunarháttur hjá borg og ríki
sé sá að fá einkageirann í auknum
mæli til að styðja menninguna, eins
og er svo víða erlendis. En það er
ekki nóg að segja að það eigi að vera
þannig, það verður að útbúa aðstæð-
urnar svo það geti gerst – og þá
græða allir. Fyrirtæki hafa í dag ein-
hvern fjárhagslegan ávinning af því
að styðja menninguna en engan veg-
inn að sama skapi og víða erlendis.
Fyrirtæki á borð við Landsbank-
ann og Kaupþing eiga mjög góð
listasöfn og við getum ekki keppt við
þau um verk sem þau hafa áhuga á.
Við erum í annarri aðstöðu en Lista-
safn Íslands, sem þarf meira að
sinna frumkvöðlunum, við vinnum
meira úr samtímalistinni. Við erum
ekki að keppa við stórfyrirtæki um
gömlu meistarana en við fylgjumst
vel með í núinu. Við förum á vinnu-
stofur listamanna, fylgjumst með
sýningum og því sem er að gerast.
Við getum keypt þá list sem verður
verðmæt í framtíðinni. Þar er okkar
styrkur. “
Fyllt í göt í safneigninni
– Er ákveðin stefna hvað varðar
kaupin?
„Það er stefna okkar að fylla upp í
göt í safneigninni, átta okkur á því
hvar eru veikleikar og kaupa inn í
eyður. Rætt er jafnt og þétt hvernig á
að fylla upp í heildarmyndina og þá
skoðum við stundum ákveðna lista-
menn og kaupum þá af þeim bæði ný
og eldri verk. Sem dæmi keyptum við
nýtt og gott verk eftir Huldu Stef-
ánsdóttur í fyrra og um leið eldra lyk-
ilverk eftir hana. Á þessu ári höfum
við keypt verk eftir einn látinn lista-
mann, Jón Gunnar Árnason, verk
sem okkur fannst vanta í safnið en
annars eru þetta allt verk eftir starf-
andi listamenn. Annað dæmi er að við
áttum ekki lykilverk eftir Olgu Berg-
mann en hún er búin að sýna að hún
er listamaður sem á eftir að halda
áfram að vera mikilvæg. Ég fylgdist
með einu verki verða til hjá henni í
meira en eitt ár, og síðan keyptum við
það.“
– Innan ykkar vébanda eru söfn
merkra listamanna, Jóhannesar
Kjarvals, Ásmundar Sveinssonar og
Errós. Ber ykkur skylda til að
styrkja þau söfn frekar?
„Við eigum allt sem er til eftir Ás-
mund og okkur ber að viðhalda því og
gera eftirmyndir verka til að setja
upp. Varðandi Erró og Kjarval ber
okkur ekki skylda til að bæta við
verkum en það er gert ráð fyrir því,
og vissulega stöndum við þar illa að
vígi. Eins og kom í ljós með Hvíta-
sunnudag Kjarvals.
Okkur er boðið töluvert af verkum
eftir Kjarval en eins og allir vita þá
málaði hann gríðarlega mikið. Við
kaupum einungis lykilverk, það hefur
ekkert upp á sig að fjárfesta í minni
verkum sem líkjast öðrum sem við
eigum.“
List sem verður verðmæt
Listasafn Reykjavíkur hefur nú tæpar 18 milljónir króna til kaupa á myndlist
Morgunblaðið/Einar Falur
Eru í núinu „Við erum ekki að keppa við stórfyrirtæki um gömlu meistarana en við fylgjumst vel með í núinu. Við
förum á vinnustofur listamanna, fylgjumst með sýningum og því sem er að gerast,“ segir Hafþór Yngvason.
Í HNOTSKURN
» Upphæð safnsins til lista-verkakaupa hækkar um
þrjár milljónir.
» Hafþór segir mikilvægt aðauka fjárhagslegan ávinning
fyrirtækja af því að styrkja
menninguna.
» Það er stefna ListasafnsReykjavíkur að fylla upp í
eyður í safneigninni, kaupa eldri
lykilverk samtímalistamanna um
leið og ný verk.
» Safnið stendur illa að vígi ísamkeppni um eldri verk.
Anna Jóelsdóttir
Birgir Snæbjörn Birgisson
Gjörningaklúbburinn
Harpa Árnadóttir
Hrafnhildur Arnardóttir
Joan Backas
Jón Gunnar Árnason
Katrín Elvarsdóttir
Olga Bergmann
Ragnar Kjartansson
Sigga Björg Sigurðardóttir
Sigurður Guðmundsson
Steingrímur Eyfjörð
Listamenn sem Listasafn
Reykjavíkur hefur eign-
ast verk eftir á árinu
Fjárrétt Meðal verka sem Listasafn Reykjavíkur hefur keypt á árinu er
fjárréttin sem Steingrímur Eyfjörð sýndi í Feneyjum.
mbl.is
smáauglýsingar
Fréttir á SMS
Útsendingin stendur frá hádegi
til miðnættis og þar hljóma
jólalög frá Portúgal, Finnlandi,
Eistlandi, Belgíu, Búlgaríu,
Svíðþjóð, Danmörku,
Þýskalandi og Íslandi.
Það er stúlknakórinn
Graduale Nobili
undir stjórn Jóns Stefánssonar
sem færir útvarps-
hlustendum víða um heim
jólakveðju Ríkisútvarpsins
með tónleikum í
Langholtskirkju kl. 20:00.
Aðgangur að
tónleikunum er
ókeypis og allir velkomnir.
JÓLATÓNLEIKADAGUR
EVRÓPSKRA
ÚTVARPSSTÖÐVA
sunnudaginn 16. desember