Morgunblaðið - 15.12.2007, Blaðsíða 29
MORGUNBLAÐIÐ LAUGARDAGUR 15. DESEMBER 2007 29
SUÐURNES
Eftir Svanhildi Eiríksdóttur
Reykjanesbær | „Þetta er fyrsta
samstarfsverkefni okkar mæðgna á
þessu sviði. Samstarfið gekk upp og
ofan í fyrstu vegna dómhörku minn-
ar í hennar garð en það lagaðist þeg-
ar leið á æfingatímann,“ sagði Frey-
dís Kneif Kolbeinsdóttir í samtali
við Morgunblaðið en hún og 15 dótt-
ir hennar, Þórdís Birna Borg-
arsdóttir, hafa á undanförnum vik-
um unnið saman í jólasöngleiknum
„Hvað er í pakkanum?“ sem vakti
mikla lukku.
Síðastliðið haust fengu vinkon-
urnar Freydís Kneif Kolbeinsdóttir,
Íris Dröfn Halldórsdóttir og Gunn-
heiður Kjartansdóttir þá hugmynd
að halda jólatónleika í Myllubakka-
skóla, þar sem þær voru allar starf-
andi. Þær höfðu áður unnið saman
að ýmsum verkefnum innan og utan
skólans, sett upp söngleiki, leikrit og
haldið tónleika með nemendum skól-
ans. Jólatónleikarnir tóku hins veg-
ar nýja stefnu og kringum lögin 13
sem átti að flytja kom smátt og
smátt texti. Í framhaldi ákváðu þær
að bjóða nemendum úr öllum grunn-
skólunum á Suðurnesjum og Fjöl-
brautaskóla Suðurnesja að taka þátt
í verkefninu og héldu áheyrnarpróf.
30 nemendur komust áfram.
Skrifað fyrir hvern og einn
„Söngleikurinn er í raun skrifaður
í kringum hvert barn sem tekur þátt
í sýningunni. Þegar við fórum að
vinna með börnunum og kynnast
þeim urðu flestar persónurnar til.
Gunnheiður kom með þá hugmynd
að um leið og barn kæmi inn á sviðið
færi það ekki út aftur. Tveir leikarar
byrja á sviðinu og í lokin eru þeir
30,“ sagði Freydís. Þær kröfur voru
gerðar til þátttakendanna að þeir
gætu leikið, sungið og dansað.
Sá þátttakandi sem mest mæðir á
í söngleiknum er dóttir Freydísar,
Þórdís Birna Borgarsdóttir. Þó
þetta sé fyrsta verkefnið þeirra
saman er Þórdís Birna langt því frá
að stíga sín fyrstu skref á sviðinu.
„Ég lék aðalhlutverkið í Grease í
Holtaskóla fyrir tveimur árum og
söng í Öskubusku fyrir ári,“ sagði
Þórdís Birna. Að sögn Freydísar
hefur Þórdís Birna sungið frá því að
hún var ómálga barn. Hún byrjaði
að syngja löngu áður en hún varð
talandi og söng hástöfum þótt eng-
inn skildi textann. Laglínan heyrðist
hins vegar vel. Þórdís Birna keppti
nýverið í undankeppni söngva-
keppni Samfés, en aðalkeppnin
verður haldin í mars á næsta ári.
Hún var einnig fulltrúi félagsmið-
stöðvarinnar Fjörheima í Reykja-
nesbæ fyrir tveimur árum. „Ég söng
lagið „Forever Young“ og spilaði
sjálf undir á píanó. Ég er hins vegar
ekki búin að ákveða hvað ég ætla að
syngja í aðalkeppninni.“
Þórdís Birna hefur undanfarið
eitt og hálft ár verið í söng- og pí-
anónámi í Tónlistarskóla Reykja-
nesbæjar og Freydís segir hana
hafa náð mikilli leikni á stuttum
tíma. „Það kom okkur foreldrunum
ekkert á óvart að hún skyldi feta
þessa braut. Hún hefur alla tíð verið
mikill söngfugl og tónviss. Hún var
farin að syngja rétt rúmlega eins árs
og hélt lagi. Við gátum alltaf merkt
það á söngnum í hvernig skapi hún
var.“
Þórdís Birna sagðist þó ekki vera
búin að gera það upp við sig hvort
hún ætlaði að leggja tónlistina og
leiklistina fyrir sig. „Alveg eins,“
varð henni að orði. Þórdís Birna hef-
ur fengið góðar viðtökur fyrir
frammistöðu sína í „Hvað er í pakk-
anum?“ Þar túlkar hún elsta barn
einstæðrar fjögurra barna móður
sem kemur heim á Þorláksmessu-
kvöld um það leyti sem íbúð hennar
er að fyllast af fólki og margt sem á
eftir að gera fyrir jól.
Leikhæfileikana hefur Þórdís
ekki langt að sækja. Freydís Kneif
hefur alla tíð haft mikinn áhuga á
leiklist og reyndar tónlist líka. Hún
lék mikið í skóla og var í leiklist-
arklúbbi og leiklistarvali og þegar
hún sá auglýst eftir leikurunum hjá
Leikfélagi Keflavíkur í samlestur á
leikritinu „Syndaselurinn Snorri“
árið 1996 ákvað hún að skella sér.
Árin hjá LK urðu mörg og þó vett-
vangur hennar hafi breyst úr því að
vera sjálf á sviði í að koma öðrum á
svið, segist Freydís ekki endilega
vera hætt hjá félaginu. „Mér finnst
ofsalega gaman að vinna með krökk-
um á þann hátt sem ég er að gera
núna, enda er ég kennari. Margir
eru nemendur mínir og við kynn-
umst á nýjan hátt. Þarna er maður í
leik með þeim.“
Stökk á svið
Vegna reynslu Freydísar á svið-
inu urðu forföll í söngleiknum til
þess að hún varð að stökkva á svið
með 10 mínútna fyrirvara og túlka
persónu sem nokkuð mikið mæddi á.
Tilkynnt var í upphafi að áhorfendur
skyldu ekki láta sér bregða þótt
hálffertug kona væri á sviðinu sem
venjulega væri fullt af börnum. „Það
kom aldrei annað til greina en ég
myndi gera þetta ef til þess kæmi.
Ég er sú sem hef sviðsreynsluna og í
raun hefur frá upphafi verið mjög
skýr verkaskipting hjá okkur. Íris
sér um dansinn enda vön úr fimleik-
unum og Gunnheiður er sú sem nær
best til barnanna, þjappar þeim
saman. Leikhlutinn og tæknimálin
hafa verið á minni könnu,“ sagði
Freydís en þær Íris hafa einnig séð
um textagerð í þremur jólalaganna.
Vinkonurnar eru komnar í lang-
þráð jólafrí enda hefur vinna við
söngleikinn staðið frá því í ágúst og
vinnustundirnar verið margar. Fríið
verður þó ekki langt því búið er að
óska eftir kröftum þeirra við gerð
söngleiks í Fjölbrautaskóla Suður-
nesja á vormánuðum. „Við erum all-
ar ofvirkar,“ sagði Freydís. „Þetta
verður frumsaminn söngleikur með
ákveðnu tónlistarþema, en ég get
ekki uppljóstrað um tónlistina.“
Sungið frá því hún var ómálga barn
Morgunblaðið/Svanhildur Eiríksdóttir
Leika saman Mæðgurnar Þórdís Birna Borgarsdóttir og Freydís Kneif
Kolbeinsdóttir vinna saman í söngleiknum „Hvað er í pakkanum?“
Í HNOTSKURN
»Samstarf Freydísar, Írisar ogGunnheiðar hefur leitt til
þess að mörg skemmtileg verk
hafa verið sett á svið og þær hafa
gefið mörgum börnum tækifæri
til að spreyta sig á sviði.
»Að sögn Freydísar eru þærstöllur ákaflega ánægðar
með frammistöðu barnanna og
ekki síður viðtökurnar sem verk-
ið hefur fengið.
Klapparstíg 44 • Sími 562 3614
19
87 - 2007
M
b
l 9
48
46
4
Pipar og salt 20 ára
Enskur
jólabúðingur
frá kr. 450
Mincemeat
tarts
frá kr. 495
Skoskt
smjörkex
í gjafakassa
kr. 1.600
Ensk jólakaka kr. 1.300
WALKERS
Jólavara
Victor Castware
Elsenham
Ómissandi með jólamatnum
Cranberry sósa
Góð með
villibráð
og kalkún
Myntuhlaup
Gott með
lambakjöti
Cumberland sósa
Góð með
paté og kæfu
Piparrótarsósa
Góð með
roast beef og
reyktum laxi
Mauviel koparpottar
síðan 1830
Sænskir
aðventukransar
Verð kr. 5.995.-
Hver viðskiptavinur fær litla
sultukrukku í kaupbæti í dag
Í tilefni 20 ára afmælis bjóðum við viðskiptavinum að
smakka á enskri jólaköku í dag, laugardaginn 15. desember
Kokkabókastativ kr. 3.995
Eldhúsrúllustativ
kr. 2.900
Piparkvarnir
frá kr. 2.500
Margir
litir
1987 2007