Morgunblaðið - 15.12.2007, Side 32

Ef þú heyrir, þann 15. desember, einhvern spyrja:„Hvar eru nú allar sleifarnar?“ þá hefur hann
Þvörusleikir bróðir minn komið í heimsókn. Hann
hefur allt í röð og reglu, strákurinn. Raðar öllum
sleifum, ef það er kökudeig eða súkkulaði á þeim.
„Namm,“ – hann raðar sérstaklega vel sleifum með
súkkulaðideigi. Deiginu raðar hann í sig en sleifarnar
lenda á gólfinu.
Kertasníkir leysir frá skjóðunni - Anja og Markus Kislich
Þvörusleikir – 15. desember
tíska
32 LAUGARDAGUR 15. DESEMBER 2007 MORGUNBLAÐIÐ
Nú er Gunna á nýju skónum,
nú eru að koma jól.
Siggi er á síðum buxum,
Solla á bláum kjól …
Ef þið skylduð ekki hafa tekiðeftir því þá skal hér upplýstað það eru að koma jól! Það erreyndar ekkert tilefni til að
setja allt á annan endann hér og nú en
það er nauðsynlegt að hafa eitt á hreinu:
Það er grundvallaratriði að maður sé vel
til fara á jólunum og er eins mikilvægt og
góður matur. Ja, maður hefði a.m.k. hald-
ið það í ljósi allra sagnanna um jólakött-
inn í gegnum tíðina. Þó bar svo við í vik-
unni að nokkrir kvenkyns vinnufélagar
sátu saman yfir fiskbollum í hádeginu og
ræddu þetta fyrirbæri jólaföt. Fljótlega
komust konurnar að því að þær höfðu
ansi mismunandi viðhorf til þessa
„grundvallaratriðis“ í jólahaldinu og nið-
urstaðan yfir fiskbollunum varð þessi:
Nýtt flokkunarkerfi á konur eftir jólaföt-
um í konur A-D [ath. flokkun á körlum
eftir þessari aðferð yrði sennilega ein-
faldari].
Kona A Finnst langbest að vera í náttföt-
unum á jólunum, heima hjá sér a.m.k.,
eða klæðir sig ekkert sérstaklega upp.
Kona B Fer í föt af fínna taginu úr fata-
skápnum en ekki þau bestu, það eru eng-
ir utanaðkomandi „áhorfendur“ og það
þarf ekki að óttast „sósuslys“.
Kona C Klæðir sig upp um jólin en vill
ekkert vesen, buxur fá grænt ljós og líka
pottþétti kjóllinn til margra ára, nýr jóla-
kjóll er engin nauðsyn.
Kona D Nýr jólakjóll er einmitt málið,
helst dragfínn.
Afturhvarf og öryggi svarta litsins
Þær konur sem finnst það hljóma
spennandi að vera eins og æsku-
draumurinn Solla á bláum kjól geta
glaðst yfir jólakjólum þeim sem urðu á
vegi Daglegs lífs og hafa nú ratað hingað
á síður blaðsins.
Kjólarnir í tískubúðunum eru af-
skaplega fjölbreyttir og „skemmtilegir“
en þó má segja að lýsingarorðin klassískt
og kvenlegt eigi almennt við tískuna í ár.
Afturhvarf til sjötta áratugarins er aug-
ljóst og svartir kjólar eiga nú sem aldrei
fyrr upp á pallborðið hjá konum.
„Glamúr“-kjólar gægjast líka fram í
dyragættina en munu að sögn versl-
unarmanna vera vinsælli um áramótin –
þegar djarfari klæðnaður rímar einhvern
veginn betur við flugeldana en við glæ-
nýja jólatréð.
Silkifín áferð umlykur kjólatískuna
fyrir þessi jól og veglegar slaufur eru
nokkuð áberandi. Það hlýtur einhvern
veginn að hafa verið slaufa á bláa kjóln-
um hennar Sollu sem veit – af hátíðleika
kjóls og brokkandi kisu – að „ilmurinn úr
eldhúsinu // er svo lokkandi“.
thuridur@mbl.is
Morgunblaðið/Frikki
Flottur Svartur og þægilegur kjóll frá Sautján, 7.990
kr. Svartir glitskór frá Vero Moda, 6.990 kr.
Rauður og silkifínn Kjóll sem Eva Longoria
klæddist á dögunum. Frá Kiss, 7.990 kr.
Fjólublár draumur Sparilegur plíseraður kjóll
frá Vero Moda, 5.990 kr.
Í jólakjól
fyrir Sollu
Ertu kona A, B, C eða kannski D þegar kemur að jóla-
fötum? Blaðamaður í jólakjólaleit flokkast sem B eða C.