Skinfaxi - 01.11.1951, Qupperneq 17

SKINFAXI
113
rauninni eins konar útdráttur eða ágrip af ferðapistlum þeim,
er hann hafði áður ritað í blöð, sérstaklega í Dansk Ungdom,
blað ungmennafélaganna.Lýsir hann mótinu allnáið, mönnum,
er hann kynntist, ferðum til merkra staða, svo sem Skál-
holts, Þingvalla og Bessastaða. Jafnframt gerir hann í fám
orðum grein fyrir áliti sínu á æskulýð fslands nú á dögum,
vandamálum og helztu úrlausnarefnum.
Öll skrif J. M. J. um íslandsför hans á Hveragerðismótið
ber vott um einstaka velvild og hlýju í garð íslendinga og ís-
lenzkra málefna. — Síðasta kvöldið. sem hann dvaldi hér,
flutti hann ávarp í Ríkisútvarpið. Þykir hlýða, að það sé birt
hér í heilu lagi.
fslenzkir áheyrendur! Norrænu frændur!
Á síðustu árum hefur orðið nánari samvinna milli ung-
mennasambandanna á Norðurlöndum en áður var. Slíkt sam-
starf hefur staðið alllengi milli Svíþjóðar.Noregs og Danmerk-
ur. Það hefur og verið nokkurt samband milli ungmennafé-
laganna í Finnlandi og þeirra sænsku. En það er fyrst nú,
sem samstarf hefur hafizt meðal ungmennafélaganna á öll-
um Norðurlöndum. Síðastliðið sumar voru fulltrúar frá
Umf. í þessum löndum og einnig frá Færeyjum á norrænu
æskulýðsmóti í Danmörku. Munu slík mót verða haldin fram-
vegis til skiptis í löndunum.
Ég kom einmitt í heimsókn til Ungmennafélags fslands og
sambandsþings þess frá slíku móti í Finnlandi. Ég kom frá
fyrirlestrum og umræðu um æskulýðs- og félagsmál. Ég kom
frá alvöru og gleðskap dagsins. Frá hinum björtu niiðsum-
arnóttum við finnska skerjagarðinn. ísland tók á móti mér
með rigningu. Ég sá hinar hörðu rúnir í ásjónu landsins, en
ég hef einnig séð sólina baða Þingvöll og snævi þakta tinda
fjallanna.
Það hefur verið mér sérstök ánægja að kynnast mörgum
innan U. M. F. í., bæði þeim gömlu og lífsreyndu hugsjóna-
mönnum, sem um mörg ár hafa tekið virkan þátt í starfinu
af miklum dugnaði, og hinum yngri áhugamönnum, sem nú
hafa forustu í U. M. F. f. Ég fylgdist af áhuga með málefnum
sambandsþingsins og því, sem þar fór fram. Og mér þótti
ánægjulegt að sjá starfsgleði æskunnar á íþróttamótinu, þrátt
fyrir þá erfiðu aðstöðu, sem rigningin skapaði. Ég varð fyrir
þeim áhrifum, að innan U.M.F.Í. væri markvisst starf, sem
kæmi æskunni og þjóðinni allri að miklu gagni. Mér hefur fund-
8