Skinfaxi - 01.11.1951, Side 32

128
SKINFAXI
15% af tini. Auk þess geysimikið af tei, sykri, hampi, kókos-
hnetum og pálmaviðarolíu.
íbúafjöldi Indonesíu er um 76 milljónir. Þar af búa 46 millj-
ónir á Java einni. Java er þó aðeins % af stærð Frakklands,
en hefur sömu íbúatölu. Þá lifa 1.250.000 Kínverjar á eyjunum,
250000 Evrópumenn (Hollendingar) og um 100000 blandaðra
manna frá ýmsum löndum Asíu. Af Kínverjum og Evrópu-
mönnum er um þriðjungur fæddur á Indonesíu.
Það var ekki bjart yfir Indonesíu í ársbyrjun 1950. Það
var hnípin þjóð í vanda, sem fagnaði frelsi sínu. Vandamálin
voru margvísleg, hvert sem litið var. Fjárhagskerfi og at-
vinnulíf þjóðarinnar var í rústum. Framleiðslan hafði dreg-
izt alveg saman að heita mátti styrjaldarárin. Milljónir ekra
hafði gjöreyðilagzt. Atvinnurekendur drógu saman seglin í
óvissunni, sem framundan var. Fjöldi manna komst á vergang.
Fólk flykktist til höfuðborgarinnar og íbúatala hennar óx úr
600 þús. upp í 2 milljónir. Atvinnuleysi óx stöðugt, og stjórnin
gat ekki haldið uppi lögum og reglu, og fengsælast var að afla
sér fanga með byssu í hönd. Flokkadrættir jukust, og alþýða
manna þekkti ekki aga frelsisins. Ofgastefnur i trúmálum og
stjórnmálum óðu uppi. Hollendingar, sem mest höfðu handa
á milli og gátu eitthvað gert, héldu að sér höndum, enda var
nú sá þræll, er áður var herra.
Skuldir þjóðarinnar uxu að sama skapi. Útflutningur var
lítil sem enginn, og þjóðin varð að taka lán erlendis. Banda-
ríkin hlupu undir bagga, og veittu þau Indonesíu 100 milljón
dollara lán 1950. Auk þess námu skuldir þjóðarinnar við Hol-
land á 5. hundrað milljón sterlingspunda. Erlendar skuldir
námu 2'/2 sterlingspundi á hvern íbúa.Til samanburðar má
geta þess, að skuldir Indverja voru 3 shillingar á íbúa og
skuldir Japana 3 pence á íbúa.
Aðeins 10% þjóðarinnar er læs og skrifandi. Vegna skorts
á kennurum og skólum getur aðeins þriðjungur barna á skóla-
skyldualdri orðið fræðslu aðnjótandi. Er það eitt mest að-
kallandi vandamál lýðveldisins, að koma því til leiðar, að öll
börn geti orðið aðnjótandi lágmarksþekkingar og fræðslu. Þá
er þjóðinni einnig mjög nauðsynlegt að sameinast um eitt
allsherjar tungumál, sem allir skólar, þing, blöð og útvarp
tækju upp. Reisa þarf fjölmarga skóla, barnaskóla, iðnskóla,
bændaskóla, húsmæðraskóla og háskóla. Öll æðri menntun
er í molum. Mikill skortur er á verkfræðingum, lögfræðingum,
kennurum, húsameisturum og læknum. T. d. leiddi rannsókn í
ljós, að aðeins 700 læknar voru fyrir þær 76 milljónir manna,