Skinfaxi - 01.11.1951, Page 39

SKINFAXI
135
til nokkurra tilgerðarjátninga, heldur hitt, í trausti
þess, að til sé það, sem kallað er andi, að kunngera
honum þann veruleika, sem honum sem mannfólki,
sköpuðu í guðs mynd með ábyrgðartilfinningu gagn-
vart öðrum, er áskapað að lifa og hrærast í. Og að
kunngjöra þýðir hér, að tala þannig um þann veru-
leika, að hann blasi við æskulýðnum svo lífrænn og
þróttmikill, að honum skiljist það, að þar eigi ekki
sinnuleysi við, heldur samtök um að taka afstöðu til
hans. —
Jafn fráleit er sú hugmynd, að oss beri að vera hlut-
lausir hvað stjórnmál áhrærir. Vér hittum og fyrir
þá skoðun, að þjóðlegum æskulýðssamtökum beri að
sniðganga pólitík í hvaða mynd sem er, fyrir þær sak-
ir, að þau eru þjóðleg samtök, sem rúma innan sinna
vébanda ungmenni allra stjórnmálaflokka. Meiri mis-
skilning og róttækari svik við ætlunarverk vort er vart
unnt að hugsa sér. Sé sá skilningur lagður í stjórnmál,
að þau séu röltræður og ákvarðanir um þær leiðir, er
þjóðin skuli fara, að lýðræði hér á Norðurlöndum j)ýði
það, að ábyrgðin sé lögð þjóðunum sjálfum á herðar
og það haft hugfast, að innan fárra ára verði æsku-
lýðnum fengnir kjörseðlar í hendur, svo að hann öðl-
ist ábyrgðarrétt til þess að marka stefnu framtíðar-
innar, er það augljós skylda hvers ungmennafélags
(ekki sízt þeirra, sem kalla sig þjóðleg), að stuðla að
því af fremsta megni, að æskulýðurinn sé fyllilega
undir það búinn, að takast þessa ábyrgð á hendur. Það
verður því seint nógsamlega á því liamrað, að hlutverk
vort er, að hjálpa æskulýðnum til þess að horfast í
augu við og skilja þær ráðgátur, sem á vegi þjóðfélags-
ins verða, horfast i augu við þær sem staðreyndir, er
ekki verði sniðgengnar, heldur krefjist úrlausnar, og
ábyrgðin á giftusömum úrlausnum hvíli á herðum hans.
Vér segjum, að samtök vor séu ópólitísk. En það
þýðir aðeins, að við boðum engar einskorðaðar póli-