Skinfaxi - 01.11.1951, Síða 58

154
SKINFAXI
FRÉTTIU OG FÉTAGSMÁT
Ritstjóra Skinfaxa boðið til Bandaríkjanna.
Stefán Júlíusson, ritstjóri Skinfaxa, dvelur í vetur við há-
skólanám i Bandarikjunum í boði Bandaríkjastjórnar, ásamt
fjórum öðrum íslendingum. Les hann enskar bókmenntir við
Cornell-háskóla.
Getraunastarfsemin.
Að tilhlutan íþróttanefndar ríkisins fór Jens Guðbjörnsson
til Noregs á síðastliðnu vori til þess að kynna sér rekstur get-
rauna um íþróttakeppni. Hann kom aftur heim um miðjan
september. Hann kynnti sér starfsemi þessa mjög rækilega i
Noregi en fór einnig til hinna Norðurlandanna í sömu erindum.
Yar honum hvarvetna tekið hið bezta. Jens afhenti íþrótta-
nefnd og menntamálaráðherra skýrslu um ferð sina strax eftir
heimkomuna. Mælir hann eindregið með því, eftir þessa at-
hugun, að getraunastarfsemi verði tekin upp hér á landi. Er
nú beðið eftir leyfi menntamálaráðherra til þess að hefjast
handa um framkvæmdir.
Endurskoðun íþróttalaganna.
í sumar skipaði Björn Ólafsson menntamálaráðherra þriggja
manna nefnd til þess að endurskoða iþróttalögin frá 1940.
Kom þetta öllum mjög á óvart og ekki sízt þeim, sem um
framkvæmdir þeirra hafa séð, þar sem aldrei hefur nein
kvörtun komið um, að þeim væri í nokkru áfátt, enda voru
þau í upphafi óvenjulega vel gerð. Fram hjá U.M.F.Í. var al-
gerlega gengið með skipun í nefnd þessa.
Norræna sundkeppnin.
íslendingar sigruðu mjög glæsilega í samnorrænu sund-
keppninni og kom í ljós ,að 3C037 eða 25% þjóðarinnar þreytti
sundið. Gaf það 540555 stig. Hjá hinum þjóðunum var útkom-
an þessi:
Finnland, 176312 eða 4,1%. Gerir 251874 stig. Danmörk, 50492
eða 2,5%. Gerir 189345 stig. Noregur, 32004 eða 1%. Gerir
137106 stig. Svíþjóð, 128035 eða 2,1%. Gerir 128035 stig.
ísland hlýtur því bikar þann, sem Hákon Noregskonungur
hét sigurvegaranum í sundkeppninni. Umf. unnu víða vel
að þessum málum i vor og eiga sinn drjúga þátt í þessum
glæsilega sigri. Hér kemur og í Ijós ágætur árangur sund-
skyldunnar síðustu 11 árin. D. Á.