Sjómannablaðið Víkingur - 01.09.1993, Blaðsíða 30

þorskígildi. Pað fer eftir hver kaupir
Lyngeyna hvernig hún verður seld,
en á henni eru rúmlega 400 tonn,
samtals hátt í 2.000 tonna þorsk-
ígildi.“
Var mat manna að fyrírtæki ætti að
geta gengið
„Nú er aðeins liðið rúmt ár frá því
Borgey varð til í þeirri mynd sem
húrr er. Máttu menn ekki sjá þessa
stöðu fyrir, þar sem við blasir að
verið er að ráðast í verulegar breyt-
ingar til að halda fyrirtækinu gang-
andi? Ekki er alfarið hægt að kenna
ytri aðstæðum um, sérstaklega ekki í
ljósi þess hversu skammur tími þetta
er?
„Pað er alltaf spurning um hvað
menn eiga að sjá fyrir. Fyrirtækið
var mikið skuldsett. Við þær aðstæð-
ur, sem voru í sjávarútvegi í fyrra',
var það mat manna að fyrirtækið
gæti staðið undir skuldbindingum
sínum með því að hagræða í rekstri.
Slíkt tekur nokkurn tíma. Hins veg-
ar hefur öll ytri þróun verið fyrir-
tækinu andstæð. Við þær aðstæður,
sem eru ríkjandi í dag, sjá menn að
fyrirtækið getur ekki staðið við
skuldbindingarnar. Við sjáum ekk-
ert sem bendir til að aðstæður í sjáv-
arútveginum fari batnandi. Við,
sem erum að vinna að þessu, teljum
að nú þýði ekki að vera með neinar
plástraaðgerðir.“
Hefði orðið hagnaður ef gengið
hefði ekki verið fellt
„Er það rétt að milliuppgjör fyrir
fyrstu sex mánuði þessa árs sýni
hagnað af rekstrinum?
„Nei, það sýnir ekki hagnað af
rekstfinum. Það hefði orðið hagn-
aður ef gengið hefði ekki verið fellt.
Það hefur orðið verulegur bati á
rekstrinum. Hann kemur mun bet-
ur út á fyrstu sex mánuðum þessa
árs en hann gerði í fyrra. Fréttir sem
við höfum úr öðrum fyrirtækjum
benda til að flestir séu með verri af-
komu á þessu ári en í fyrra. Sá hluti
aðgerðanna að bæta reksturinn er
að skila árangri. Ef ytri aðstæður
hefðu ekki þróast með þeim hætti
sem þær gerðu er ekkert sem segir
að þetta hefði ekki átt að takast."
Þegar Borgey varð til í núverandi
mynd lagði bæjarfélagið meðal ann-
ars fram 100 milljónir króna, en
hvert var heildarhlutaféð í fyrirtæk-
inu á miðju síðasta ári?
„Nýtt hlutafé kom með tvennum
hætti. Borgey yfirtók sjávarútvegs-
starfsemi KASK og greiddi fyrir
með yfírtöku skulda og eigna. Það
sem á milli var greiddi Borgey með
hlutabréfum. Það var metið á 80
milljónir og svo kom bærinn með
100 milljónir króna."
Nú, rúmu ári síðar, er hægt að
segja að allt þetta hlutafé sé glatað?
„Jú, eigið fé er uppurið. Það var
ekki meira borð fyrir báru en það. I
milliuppgjörinu sjáum við að á
fyrstu sex mánuðum þessa árs var
fjármagnskostnaðurinn 125 milljón-
ir króna. Veltan á sama tíma var
rúmar 600 milljónir og vergur
hagnaður 19 prósent úr rekstrinum,
sem er mjög gott. Sú útkoma ætti að
skila hagnaði ef fjármagnskostnað-
urinn væri ekki þetta hár.“
Reksturinn fer batnandi, höfum
náð árangri
Ertu bjartsýnn á að þessar björg-
unaraðgerðir takist?
„Það sem mælir með að þetta tak-
ist er að reksturinn fer batnandi, þar
höfum við náð árangri. Það þarf líka
að meta hvað kemur kröfuhöfum
best. Okkar mat er að hagsmunum
þeirra sé best borgið með því að
ganga að okkar tilboði. Við sjáum
ekki að nokkur geti séð hagsmunum
sínum betur borgið með því að
ganga ekki að svona tilboði. Til að
geta greitt afganginn af skuldunum
þurfum við að fá inn nýtt hlutafé og
það verður erfitt við þær aðstæður
sem eru í dag. Það þýðir ekki að
standa í þessari baráttu nema hafa
trú á að við höfum sigur.
Já, ég tel að fyrirtækið muni kom-
ast í gegnum þessa erfiðleika og
verða vel rekstrarhæft á eftir."
Heildarskuldir Borgeyjar eru 1.400
milljónir
Heildarskuldir Borgeyjar, hverj-
ar eru þær?
„A miðju þessi ári voru þær rúmar
1.400 milljónir króna. Nettóskuldir,
það er þegar veltuljármagn hefur
verið tekið frá, eru um 950 milljónir
króna."
Sala á skipunum leysir ekki allan
vandann. Væntanlega eru þau mik-
ið veðsett og því fáið þið varla stórar
Ijárhæðir inn til ykkar við sölu á
þeim?
„Við þurfum þá ekki að borga af
þeim skuldum. Vonandi seljum við
þau á hærra verði en á þeim hvílir,
svo við fáunt þá eitthvað af pening-
um.
Borgey mun kaupa hráefni ann-
ars staðar eftir að skipin verða seld.
Við búum við mjög öfluga útgerð
hér á Höfn. Þessi útgerð hefur séð
vinnslunni fyrir hráefni gegnum ár-
in. Eins munum við leita út fyrir
héraðið með hráefniskaup.“
Starfsmenn verða 160 til 170 eftir
breytingar
Hvað er margt starfsfólk hjá
Borgey?
„Það er sveiflukennt. Við erum
búnir að segja upp tveimur áhöfn-
um, við vorum með 210 manns en
það stefnir í að verða 160 til 170.“
Þannig að framtíð Borgeyjar
ræðst ekki um miðjan þennan mán-
uð?
„Nei, við höfum möguleika á að
sækja um framlengingu á greiðslu-
stöðvuninni. Eg á von á að menn sjái
að reksturinn hefur gengið vel og að
kröfuhöfum sé betur borgið með því
að við höldum áfram. Það verður
ákvörðun dómara, en ég á von á að
hann veiti okkur framlengingu.“
Er ekki þægilegt að reka fyrirtæki
sem er með greiðslustöðvun?
„Jú, það má segja það. Við höfum
mjög rúma greiðslustöðu þar sem
við þurfum ekki að borga af eldri
skuldum. Við höfum nýtt þetta til að
fá staðgreiðsluafslátt, sem við gátum
ekki áður. Það sem er vont við þetta
ástand er að við þurfum alltaf að
vera að undirbúa næstu vertíðir og
þess vegna þurfum við að ráðast í
jafnvel litlar fjárfestingar og meðan
ekki er búið að fá úrslit í þessu máli
er erfítt að eiga við jDetta. Við verð-
um alltaf að gæta þess að rýra ekki
rétt kröfuhafa. Við fáum að reka
fyrirtækið í fáeina rnánuði eins og
það sé vel stætt.“ ■
30