Andvari - 01.01.1879, Side 16

Hugleiðingar um stjórnarmálið.
12
sem menn hafa bezt tóm til að yfirgefa heimili sitt
og atvinnu. Hjá oss verður þessu eigi við komið
vegna þess, hve erfitt er að ferðast um landið á vetr-
um, og þess vegna verðum vjer að halda alþingi á
sumrin, þó það sje mjög kostnaðarsamt, og hljóti
að vera bagalegt fyrir allan þorra manna, að yfir-
gefa þá atvinnuveg sinn og heimastörf á hinum stutta
sumartíma. Annað enn lakara flýtur þó af þessu,
en það er, að margir þingmenn verða hneigðir til,
að hroða málunum af til þess að geta þó heldur
komizt heim til sín aptur, áður en allur undirbún-
ingstími undir veturinn er út runninn. En reynslan
sýnir, að þó þjóðfjelag vort sje eigi fjölmennt, koma
ærið mörg mál fyrir þingið í hvert skipti, svo eigi
veitir af löngum tíma til að rannsaka þau og ræða.
í fimmtu grein stjórnarskrárinnar er þingtíminn á-
kveðinn 6 vikur annaðhvort ár, en hann hefir reynzt
mikils til of stuttur. Nú hefir þingið að vísu verið
haldið 8 vikur, en engu að síður hefir orðið að flýta
mörgum þingmálum um of eður yfirgefa þau ókljáð.
Af þeim ástæðum, sem þegar var drepið á, er þó
varla tiltækilegt að lengja þingtímann mikið meira,
því allur þorri þingmanna getur með engu móti ver-
ið lengur að heiman á þeim árstíma, sem þingið
verður að standa.
Til þess að ráða bót á þessum misfellum sýn-
ist oss einna næst liggja, að breyta lögunum á þá leið,
að alþingi sje haldið hvert sumar, eins og það var
haldið að fornu í margar aldir, en að þingtíminn sje
þá skemmri i hvert sinn heldur en nú, þó hann verði
að öllu samtöldu lengri en nú fyrir hver tvö ár. Um
leið og þessi breyting yrði gjörð, er sjálfsagt að breyta
þeirri leiðinlegu ákvörðun, sem er í stjórnarskránni,
að fjárlög skuli samin til tveggja ára í einu, svo
lög þessi verði þaðan af sett fyrir hvert ár út af