Vaka - 01.07.1927, Side 20

226
[vaka]
S. X.: ÖltÆFI OG ÖRÆFINGAR.
úrskurðarvald um slíkt mál. Margur myndi hika við þau
vöruskifti að láta manngildi fyrir kúgildi.
Ef vér hugsum til að eyða hásveitir íslands að mönn-
um, þá er oss miklu nær að leggja í eyði landið allt. Enn
er rými nóg í auðsæili löndum fyrir ekki tápminna fólk
en Islendingar eru. En ef þjóðin kemst að þeirri niður-
stöðu, að hér eigi hún að standa, af því að hún geti ekki
annað, — að hér sé sá hólmur, sem hún hafi verið sett
á, af því að hlutverk hennar í heiminum verði ekki ann-
arsstaðar af hendi leyst, — þá verður hún að fylgja
þeirri trú eftir. Landvörn þjóðarinnar fer ekki einungis
fram úti á miðum og í pólitískum ræðustólum. Nú er þörf-
in brýnust og haráttan hörðust til dala og fjalla, þar sem
heiðabóndinn stendur gegn því að byggðin færist saman
og landið smækki, — þar sein Öræfingar hopa ekki á hæli,
þó að Skeiðará hrjóti landið neðra og jökullinn húi yfir
ógnum sínum bak við fellin.
Sigurður Nordal.