Menntamál - 01.12.1939, Page 53

MENNTAMÁL
179
SNORRl S1GFÚSSON:
Utanför
Snorri Sigfússon skólastjóri tókst ferð á
hendur til útlanda s. 1. sumar. Dvaldi hann
einkum í Danmörku og Englandi, heimsótti
skóla og kynnti sér kennslumál í þessum
löndum. Snorri hefir ritað ítarlega skýrslu til
fræðslumálastjórnarinnar um það, sem hann
sá og heyrði á ferðum sínum. Skýrsla þessi
barst of seint í hendur ritstjóra Menntamála,
til þess að hægt væri að birta hana alla að
sinni, enda þótt hún sé þess verö. Hér fer á
eftir niðurlag og ályktunarorð skýrslunnar,
en í næsta hefti mun hún birt að mestu eða
Snorri Sigfússon. , öllu leytl
Um leið og ég læt þessu máli lokið, og færi Fræðslumála-
stjórninni þökk fyrir veittan stuðning til þessarar utan-
farar, vil ég leyfa mér að benda hér á nokkur atriði, sem
veita þarf athygli og komast þyrftu í framkvæmd, sem
allra fyrst:
1. Settir séu nú þegar, að minnsta kosti 2 leiðbeinendur
og eftirlitsmenn með barnafræðslunni í landinu, og
öllu starfi skólanna.
2. Breytt verði gildandi prófreglugerð þannig, að í les-
greinum gildi framlagðar vinnubækur, og störf hinna
lakar gefnu barna, sem próf í þessum greinum. Gildi
þetta einkum þar sem skólar eru svo stórir, að hægt sé
að kljúfa árgangana í að minnsta kosti tvær forsvaran-
lega fjölmennar deildir.
3. Hert sé á framkvæmd fræðslulaganna um aukna lík-
amsrækt í öllum skólum landsins, og aukin leikjastarf-
semi þeirra.
4. Tekið sé upp skipulagt uppeldisstarf, til aukins sparn-
aðar, í öllum barnaskólum.
12*