Menntamál - 01.12.1939, Page 58

184
MENNTAMÁL
söngstjórn og söngkennslu. 1923 var hann ráðinn söng-
kennari við Barnaskóla Reykjavíkur. Stundaði hann það
starf til 1930. En varð þá að láta af störfum vegna þess, að
hann hafði ekki kennarapróf. En alls mun hann hafa
fengist við söngkennslu í yfir 30 ár.
Allt starf Hallgríms fyrir sönglistina hefir borið vott um
sérstaka óeigingirni og áhugi hans alveg ód'repandi. P. H.
Uppeldi vandræðabarna
Dr. Matthías Jónasson sat tvö
alþjóðaþing uppeldisfræðinga í
Genf sl. sumar sem fulltrúi ís-
lenzku fræðslumálastjórnarinn.
ar. Annað þessara þinga tók til
meðferðar uppeldi vangefinna og
erfiðra barna og unglinga. Dr.
Matthías hefir ritað fræðslu-
málastjóra ítarlega og einkar
fróðlega skýrslu um þetta efni,
58 þéttskrifaðar folio-síður. —
Skýrslan er í þrem köflum: I.
Reynsluheimili. II. Dvalarheim-
ili handa vandræðabörnum. III.
Dvalarheimili handa afbrota-
æsku.
Vér íslendingar erum langt á
eftir öðrum menningarþjóðum
um meðferð vandræða- og af-
brotabarna. Hin fróðlega grein-
argerð dr, Matthíasar um með-
ferð þessara mála í Sviss á því
brýnt erindi til allra hugsandi
manna á íslandi og alveg sérstaklega til kennara. Eru það vinsamleg
tilmæli vor, að fræðslumálastjóri hlutist til um, að handrit Matthíasar
verði sem fyrst gefið út í bókarformi, því að í útdrætti, t. d. í Mennta-
málum, myndi það ekki njóta sín að verðleikum.