Menntamál - 01.12.1939, Qupperneq 64

190
MENNTAMÁL
því undirbúið þið jarðveginn fyrir ykkar eigið starf og vinnið börn-
unum gagn. s. Th.
Tímaritið Dvöl er frjálslynt rit og skemmtilegt, flytur úrvalssögur
eftir fræga erlenda höfunda og ennfremur athyglisverðar greinar um
innlend efni og margt fleira. Útgefandi og ritstjóri er Vigfús Guö-
mundsson. S. Th.
Viðar, ársrit íslenzkra héraðsskóla, 4. ár, ritstjóri Þórður Kristleifsson,
er nýkominn út. Ritið er allstórt, um 200 bls., og flytur margar fróðlegar
og athyglisverðar greinar. í upphafi ritsins eru harðorð mótmæli gegn
því að skólanefnd Reykholtsskóla hefir vikið Kristni Stefánssyni frá
skólastjórn. Mótmælin eru undirskrifuð af 13 kennurum og skóla-
stjórum.
Sendiboðinn heitir blað, sem kennarar barnaskóla Siglufjarðar gefa
út. Ábyrgðarmaður: Friðrik Hjartar, skólastjóri. Blaðið er' ætlað for-
eldrum, flytur greinar um kennslufræðileg efni, samvinnu skóla og
heimila og fleira.
Vorið, tímarit fyrir börn og unglinga. Útgefendur og ritstjórar:
Hannes J. Magnússon og Eiríkur Sigurðsson, kennarar á Akureyri.
Blaðið kemur út fjórum sinnum á ári og er þetta 5. árgangurinn.
Flytur það stuttar og skemmtilegar sögur og greinar, samtöl og fróð-
leiksmola. Blaðið er prýtt myndum og virðist vera vel við hæfi barna
og unglinga. S. Th.
Ljóð og lög, 100 söngvar handa samkórum. Þórður Kristleifsson tók
saman. Rvík 1939. Þessi bók mun reynast ómetanleg þeim skólum,
sem hún er einkum ætluð. — Bókin er prýðileg. Hún er útgefanda til
sóma og íslenzku sönglífi happafengur. P. H.
Fréttir
Merk rannsókn.
Ársæll Sigurðsson kennari hefir nú um skeið unnið að rannsókn,
sem mun geta haft stórmikið hagnýtt gildi fyrir móðurmálskennsluna.
Rannsóknin fjallar um tíðni orða í algengu ritmáli, einkum máli, sem
ritað er af börnum eða fyrir börn. Hver beygingarmynd er talin sér-
stakt orð. Ársæll mun gera ítarlega grein fyrir rannsóknum sínum í