Menntamál - 01.08.1967, Blaðsíða 36
130
MENNTAMÁL
ar og uppalendur tali við það, jafnvel þó þeim finnist þeir
tala fyrir daufum eyrum.
Lœknishjálp og heyrnartœki.
Foreldrar, sem hafa grun um, að barn þeirra sé heyrn-
ardauft, ættu að leita til háls-, nef- og eyrnalæknis sem fyrst
og ganga úr skugga um, hvort nokkur læknisaðgerð getur
hjálpað barninu. Sé enga hjálp þar að fá, þarf að leita til
Heyrnarhjálparstöðvarinnar í Heilsuverndarstöðinni í
Reykjavík. Heyrnarhjálparstöðinni var komið upp fyrir for-
göngu og styrk Zontaklúbbsins, en hann er félagsskapur
kvenna hér í Reykjavík, sem beitir sér fyrir velferðarmálum
heyrnardaufra. Nú er verið að fullkomna Heyrnarhjálpar-
stöðina á ýmsan hátt og lærður heyrnarfræðingur hefur tek-
ið við forstöðu hennar. í Heyrnarhjálparstöðinni er heyrn
barnanna mæld svo vel sem kostur er og gefnar leiðbeining-
ar um hvað helzt sé hægt að gera barninu til hjálpar.
Mælist heyrn barnsins svo lítil, að líklegt sé, að það þurfi
á skólavist í Heyrnleysingjaskólanum að halda, er réttast að
hafa samband við skólann sem fyrst.
Heyrnarmæling á smábörnum er vandaverk og niðurstöð-
ur af þeim oft óvissar, en oftast gefa þær þó verulegar bend-
ingar um, hve miklar heyrnarleifar barnið hefur, þó erfitt
sé að segja um það með fyllstu nákvæmni. Niðurstöður mæl-
inganna byggjast á viðbrögðum barnsins við hljóði, og vegna
þess að barnið þarf að geta sagt til eða gefið merki, þegar
það heyrir lægsta hljóð, sem það getur greint, er erfitt að
heyrnarmæla með fyllstu nákvæmni lítil börn, nema þá á
löngum tíma. Eftir mælingunni er svo valið það heyrnar-
tæki, sem líklegt er að helzt eigi við hverju sinni. Heyrnar-
tapið er oft mismunandi og nú orðið rná mikið gera til að að-
laga heyrnartæki mismunandi heyrnartapi. Þó er enn langt
í land, að hægt sé að forskrifa heyrnartæki, sem hæfi eins
nákvæmlega bilaðri heyrn eins og hægt er að forskrifa gler-
augu fyrir gallaða sjón. Heyrnartæki geta komið að verulegu