Menntamál - 01.08.1967, Page 70

164
MENNTAMÁL
aðstæður og aðdragandi væru hliðstæð. Og varðandi tengsl
framkvæmdaratriða óeirðanna við íslenzka atburði ætti eng-
inn kennari að þurfa að vera í vandræðum, aðeins liðugum
áratug eftir gullöld Tígrisklóarinnar og Sannra Vestur-
bæinga . . .
Ef aðleidd kennsla tekst vel, verður námið lifandi, tengt
vandamálum, sem nemendur þekkja og finna fyrir, og nem-
endur alast upp til hlutlægs skilnings manns og samfélags.
Ég held að ég hafi þetta spjall þá ekki lengra. Ég tel ekki
tímabært að bera á borð ykkar stórfenglegar ályktanir, enda
er málið í deiglunni. Ég hygg þó, að við geturn verið sam-
mála um það, að samfélagsfræði eigi afar brýnt erindi inn
í skóla okkar, en eigi hún að geta rækt það hlutverk, sem
við viljum fá henni, þurfum við áreiðanlega að taka til
rækilegrar endurskoðunar viðteknar venjur okkar í kennslu-
háttum.