Menntamál - 01.08.1967, Page 71
MENNTAMÁL
165
Ríkisútgáfa námsbóka 30 ára
Árið 1937 var Ríkisútgáfa námsbóka stofnsett samkvæmt
lögum frá Alþingi. Lögin um Ríkisútgáfuna voru síðan
endurskoðuð árið 1956 og starfssvið hennar þá aukið veru-
lega. Hlutverk útgáfunnar er fyrst og fremst að sjá nemend-
um á skyldunámsstigi fyrir ókeypis námsbókum. Kostnaður
við þetta er að 2/3 hlutum greiddur með námsbókagjaldi,
sem lagt er á alla þá, sem hafa á framfæri sínu eitt eða fleiri
skólaskyld börn, og að 1/3 hluta úr ríkissjóði. Enn fremur
gefur Ríkisútgáfan út og selur handbækur fyrir kennara
og ýmiss konar hjálpargögn. Auk þessa rekur Ríkisútgáfan
verzlun með skólavörur og kennslutæki. Loks 'hefur Ríkis-
útgáfan frá árinu 1957 lagt áherzlu á að safna innlendum og
erlendum kennslubókum, kennslufræðiritum og kennslu-
tækjum með það fyrir augum að koma á fót skólasafni fyrir
kennara og aðra, sem áhuga hafa á fræðslumálum.
Á s. 1. ári lánaði útgáfan Samb. ísl. barnakennara u. þ. b.
helminginn af þessum bókakosti, en sambandið er um þess-
ar mundir að opna lesstofu fyrir kennara í húsnæði sínu að
Þingholtsstræti 30.
Stjórn Ríkisútgáfu námsbóka skipa nú: Kristján Gunn-
arsson skólastjóri, formaður; Helgi Elíasson fræðslumála-
stjóri, Gunnar Guðmundsson skólastjóri, Friðbjörn Ben-
ónísson kennari, Pálmi Jósefsson skólastjóri.
í tilefni 30 ára afmælis Ríkisútgáfu námsbóka höfðu
Menntamál tal af Jóni Emil Guðjónssyni framkvæmda-
stjóra.
— Ríkisútgáfan á merkisafmæli um þessar mundir, Jón.
— Já, það var þann 1. apríl 1937 sem námsbókanefnd
hélt sinn fyrsta fund, og seinna þetta sama ár var bókum
úthlutað í fyrsta sinn ókeypis til skólabarna á vegum Ríkis-
útgáfunnar.