Menntamál - 01.08.1967, Page 69
MENNTAMÁL
163
viðfangsefninu, þ. e. skýringu fyrirbaerisins. Kennarinn gæti
t. d. vikið að eftirtöldum atriðum, sem öll geta átt nokkurn
þátt í skýringunni:
1) Saga hvítra manna og svartra í Nýja heiminum;
saga þrælahaldsins.
2) Afnám þrælahaldsins. Borgarstyrjöldin 1861—1865,
lyktir hennar og afleiðingar.
3) Áhrif ósigursins á Suðurríkjamenn. Andstaða Suð-
urríkjamanna gegn Norðurríkjamönnum. Leyni-
félög, svo sem Ku-Klux-Klan.
4) Kjör blámanna eftir afnám þrælahalds: tekjur,
menntun.
5) Friðsamleg réttindabarátta blámanna, áhrif, árang-
ur.
6) Óánægja blámanna með árangur hinnar friðsam-
legu baráttu í landi, þar sem þróun er örari en
víðast hvar annars staðar.
7) Upphaf „ófriðsamlegrar" réttindabaráttu blá-
manna. Samtök á borð við „Black Muslims“ o. s. frv.
Enn mætti taka margt til, en ég læt hér staðar numið.
í æðri skóla mætti dýpka skýringarmöguleikana, ræða um
lióphegðun manna, sjálfkvæmar (spontan) samfélagshreyf-
ingar o. fl. Hið mikilvægu er að leita allra skýringarmögu-
leika með nemendunum, en ekki einungis l'yrir þá. Þannig
læra nemendur hlutlæga hugsun, sem þeir leggja til grund-
vallar mati.
Dæmið, sem ég tók, var nærtækt að svo miklu leyti, sem
allir þekkja það að einhverju leyti úr fréttum. Hins vegar
var dæmið útlent og miðaðist engan veginn við íslenzkar
aðstæður. Hér verður því kennarinn að hafa hugann vel
opinn fyrir öllum tengslum. Nemendur verða að öðlast
þann skilning, að slík vandamál sem kynþáttaóeirðir eru
aðstæðubundin, sögubundin o. s. frv. Jafnvel þótt atburð-
irnir gerist ekki hér, gætn svipaðir atburðir gerzt hér, ef