Æskan - 01.07.1969, Qupperneq 23

STEINGRÍMUR THORSTEINSON
Steingrímur Thorsteinson fæddist á Arnarstapa á Snæfellsnesi og ólst þar upp. Fór
í Latínuskólann í Reykjavík fimmtán ára gamall. Lauk embættisprófi í málfræSi og sögu
frá háskólanum í Kaupmannahöfn.
Á Hafnarárum sínum lagði hann stund á bókmenntir og fagurfræði og þýddi þá á
íslenzku ýmis fræg ritverk, auk þess sem eftir hann birtust allmörg kvæði. Eftir 21
árs óslitna dvöl í Danmörku gerðist Steingrimur kennari við Latínuskólann í Reykjavík.
Var hann þá orðinn þjóðkunnur af kvæðum sínum og þýðingum. Rektor við sama skóla,
sem þá nefndist Hinn almenni menntaskóli, varð hann sjötíu og þriggja ára að aldri.
Yrkisefni Steingríms eru oft bundin við náttúruna, fegurð landsins og árstíðirnar. í
kvæðum sfnum bregður hann upp mynd umhverfisins og laðar fram hugblæ, sem við það
er bundinn.
Steingrimur Thorsteinson.
319