Æskan - 01.11.1970, Blaðsíða 3
Friður a jorð
„Dýrð sé Guði í upphæðum,
og friður á jörðu
með þeim mönnum, sem hann
hefur velþóknun á.“
Allir vilja frið. Margir keppa eftir friði. Frið-
arsveitir eru settar á stofn. Friðarnefndir hitt-
ast og ræða frið á jörðu. Pop-hljómsveitir
syngja, og margir taka undir:
„Allt, sem við viljum,
er friður á jörð.“
Sumir tala um frið, en hatrið ríkir ótrúlega
yíða. Aðrir rita um frið, en stríð og styrjaldir
magnast, og ástandið virðist víða ógnvæn-
legt.
„Friður, friður, og engin hætta,“ kalla marg-
ir, en hjörtu margra eru friðvana og óróleg.
Þau fyllast kvíða í stað friðar, öryggisleysis í
stað rósemdar, þreytu í stað hvíldar. Margt
togast á: friður—stríð, friður—hatur, friður—
kjarnorka, friður—útrýming!
En mitt í óróleika, hatri, fíkn, valdabaráttu,
sundrungu og stríði, heyrist enn söngurinn,
sem flutt hefur þúsundum frið:
„Dýrð sé Guði í upphæðum,
og friður á jörðu!“
Hver sagði það? Hverjir fluttu skilaboðin?
Hverjum voru þau ætluð? Hvers vegna voru
þau sögð? Þarf að endurtaka þau oftar en
einu sinni á ári?
Spyr þú þig — ég spyr mig.
Oft eigum við erfitt með að skilja og spyrj-
um: Hvers vegna svo mikið hatur? Hvers
vegna hörmung og óáran? Hvers vegna sjúk-
dómar og drepsóttir?
Sumu er unnt að svara, öðru aldrei.
Einbeitum okkur að þessu mikla fagnað-
arefni, þessum mikla fagnaðarboðskap: „Yð-
ur er í dag frelsari fæddur.“
Hver er þessi frelsari? Þekkjum við hann?
Er hann mikið auglýstur? Er hann vinsæll?
Er hann voldugur? Gegnir hann mikilvægu
embætti? Er hann í réttum stjórnmálaflokki?
Getur hann hjálpað?
JESÚS — FRELSARI
„Friður á foldu
fagna þú maður
frelsari heimsins fæddur er.“
Guð gefi ykkur öllum gleðileg jól.
Þórir S. Guðbergsson.
551