Æskan - 01.11.1970, Blaðsíða 32

ur inn með pokann sinn, dansa börn-
in með honum kringum jólatréð, og
síðan gefur hann þeim gjafirnar. Á jóla-
dag er allt kyrrt, og Helsinki er eins
og yfirgefin borg. Sporvagnar og stræt-
isvagnar eru ekki í gangi. Úti á lands-
byggðinni ekur fólklð í sleðum til kirkju,
þó að bifreiðir séu nú einnig að bæt-
ast í þann hóp. Það er fastur siður að
hafa kýrhorn með brauði I á jólaborð-
inu og á að vera óhreyft þar til jóla-
tímabilinu er lokið — á þrettándanum,
— sem einnig er haldinn hátíðlegur
með jólamiðdegi.
PÓLLAND
í Póllandi nútímans er „Choinka"
(jólatréð), tákn friðar og vináttu, skreytt
með ýmiss konar fögru skrauti. Börnin
hafa sjálf búið til mikið af pappírs-
myndunum, sem á það eru hengdar í
mörgum litum. Úr lofti og á veggjum
hanga pappírsstrimlar, sem nefnast
„pajakis". Siður frá heiðinni tíð. Karfi,
hnetukökur og engiferbrauð tilheyra
jólamatnum, og súkkulaðikökur og
hveitibrauð með kanil. Það er þó ekki
álls staðar í Póllandi, sem menn eru
ánægðir með jólahaldið. Fyrir síðustu
jól skoraði Gomulka forsætisráðherra
á alla námuverkamenn að sleppa öllu
jólahaldi til þess að auka kolafram-
leiðsluna! En þessi tilmæli hans fengu
engan hljómgrunn. Flestir Pólverjar eru
helttrúaðir kaþólikkar, og kirkjurnar
fyllast af fólki við hinar fjöldamörgu
jóla- og nýársmessur.
ENGLAND
er öllum öðrum löndum fremur land
gamalla siðvenja. Jólin hefjast við mót-
töku á gjöf frá Oslóborg. Það er stórt
jólatré, sem Ijós eru tendruð á í miðri
Lundúnaborg þann 14. desember. Á
hverju ári eftir styrjöldina síðari hafa
Norðmenn gefið Lundúnum stórt og
fallegt jólatré, sem þakkarvott fyrir sam-
starfið í styrjöldinni. Þegar kveikt er á
jólatrénu, er borgarstjórinn í London
viðstaddur ásamt ambassadorshjónum
Noregs og fleiri háttsettum embætlis-
mönnum og miklum mannfjölda, sem
safnast saman við þessa athöfn.
Enginn getur hugsað sér jól i Eng-
landi án þess að hafa kalkún og jóla-
búðing á borðum, og þannig hefur það
verið um mörg hundruð ár. Kalkúninn
er framreiddur með steiktum kartöflum
og rauðkáli (helzt belgísku), svonefndri
brauðsósu og kastinustöppu. Það er
undirstöðugóð fæða, en smáræði þó í
samanburði við jólabúðinginn, sem m.a.
er samsettur úr uxamerg, púðursykri,
rúsínum, kúrenum, súkkati, natróni og
kirsuberjum. Hinn sanni enski jólabúð-
ingur verður að geymast a. m. k. einn
mánuð fyrir bakstur, og sé mögulegt
að geyma deigið upp undir 5—-6 mán-
uði, verður hann enn betri. Hann er
framreiddur heitur með kremsósu eða
brandy-smjöri — og er ákaflega þung-
meltur!
Aðfangadagskvöld er ekki haldið há-
tíðlegt — nema meðal konungsfjöl-
skyldunnar og fólks, sem ættað er frá
meginlandinu. Father Christmas, sem
fyrr á tímum var óguðleg persóna, en
varð síðar fyrir Englendingum sama og
jólasveinninn og Santa Claus ( Banda-
ríkjunum, kemur með gjafir á jólanótt-
ina og leggur þær í sokka, sem börnin
hafa hengt við arinstóna. Jólamorgunn-
inn hefst svo með því, að gjöfunum er
deilt út og borðaður morgunverður. Síð
an er farið í kirkju og komið aftur heim
í jólamiðdag. Á jóladaginn er fjölskyld-
an öll heima, og nánustu ættingjar eða
vinir koma í heimsókn til snæðings eða
annarrar hressingar og skemmtunar.
ÍRLAND
Á öllum írskum heimilum er útbúinn
jólahellir, þar sem komið er fyrir jötu
og eftirlíkingu af því, sem gerðist í
Betlehem. Hér erum við aftur komin í
kaþólskt umhverfi. Skömmu fyrir jól
fara börn og fullorðnir í langar göngu-
ferðir til þess að safna hentugum og
litríkum steinum og trébútum ( hellinn
og jötuna. Þó eru ekki allir, sem nota
Betlehem-fyrirmyndina, því margir velja
sér heldur írskt jóla-landslag. Mörgum
vikum fyrir jól er byrjað að baka hina
sérstöku (rsku jólaávaxtaköku, sem
raunverulega verður að fara í gegnum
þrefaldan bakstur og tilreiðslu, síðan
er hún skreytt með eftirmynd fjórblaða-
smára (shamrocks), sem er þjóðartákn
[rlands.
HOLLAND, BELGÍA
og LÚXEIVIBORG
í þessum löndum er mjög svipað
jólahald — nema lítilsháttar frábrugð-
ið milli trúardeilda kaþólskra og lút-
erskra. Jólin hefjast alls staðar aðfara-
nótt 6. desember með komu Sinter-
Klaas — þó heitir hann Saint Niclas
( Belgíu og Lúxemborg. í Hollandi er
í fylgd með honum svartur strákur —
Swarte-Piet, sem tekur óþægu þörnin
með sér heim til Spánar, þaðan sem
hann kemur. Sinter-Klaas eru hins veg-
ar vinsamlegir biskupar með góðar gjaf-
ir — þeir koma oft ríðandi á hvítum
hestum. [ Hollandi koma Sinter-Klaas
siglandi til hafnarborganna beint frá