Skírnir - 01.08.1917, Qupperneq 50
272 Páll postuli og söfnuðminn í Korintubqrg. [Skirnir
Hann dvaldi þar á þriðja ár eins og áður er sagt. Postula-
sagan segir oss nú héðan af ekkert um viðskifti Páls og
Korintusafnaðanna, nema að eins að liann hafi komið þar
aftur og dvalið þar þrjá mánuði1). Alt sem vér vitum
um þau efni verðum vér að lesa út úr bréfum hans. En
svo stórkostlegar eru þær byltingar og svo tæpt stóð með
köflum, eins og vér munum fá að sjá, að þögn Postula-
sögunnar um það alt, er oss ljós vottur um hve mörgu
mikilsverðu hún sleppir.
Páll hafði dvalið í Efesus h. u. b. 2 ár, þegar hon-
um fóru að berast ískyggilegar fregnir frá söfnuðinum í
Korintuborg. Einhvern tíma fyrir þennan tima liafði
hann frétt, að ósiðsemi ætti sér stað innan safnaðarins,
og hann hafði þá ritað þeim bréf það, sem sveigt er að í
1 Kor. 5, 9, og í því hvatt þá til þess að hafa engin
mök við slíka saurlíflsmenn. Þetta fyrsta bréf Páls
til Korintumanna er nú ekki lengur til. En þegar hér er
komið sögnnni fekk Páll fréttir af söfnuðinum, sem hlutu
að gera hann órólegan. Það voru heimamenn Klóe, sem
þessar fregnir báru. Og þær gengu út á það, að flokka-
drættir þeir, sem Grikkir voru svo frægir fyrir, höfðu
einnig smeigt sér inn í söfnuðinn. »Eg á við þetta«, segir
Páll, »að sérhver yðar segir: Eg er Páls; — og eg er
Apollós; — og eg er Kefasar; — og eg er Krists«.2)
Ástæðan til þessa flokkadráttar er augljós. í Postula-
sögunni 18, 24—28 er nefndur til sögunnar maður, Apollós
að nafni. Vér vitum lítið um hann. En hann var Gyð-
ingur frá Alexandríu, vel máli farinn og fær í ritningun-
um. Hefir hann vafalaust verið leikinn i því að beita
heimspekilegum útlistunum og glæsilegum óeiginlegum
(allegóriskum) skýringum ritningarinnar. Þessi maður
kom til Efesus og tók að prédika í samkunduhúsum-
Postulasagan gefur ótvírætt í skyn að hann hafi verið
kristinn, en bætir við þeirri einkennilegu athugasemd, að
hann haíi að eins þekt skírn Jóhannesar. Akvilas og Priskilla
*) Post. 20, 2. 2) 1 Kor. 1, 12.