Skírnir - 01.12.1920, Blaðsíða 24

246
Jón Jónsson Aðils.
[Skírnir
er, og var Jón um hauatið skipaður dózent við háskólann
i íslenzkri sagnfræði. Þar starfaði Jón síðan til dauðadags.
Og er þar með komið að þriðja höfuðþættinum í líf-
starfi Jóns, háskólafræðslu hans.
Þeim, sem þetta ritar, er ekki vel kunnugt um starf-
semi hans þar. En sá orðrómur lei.kur á, að mjög hafi
menn þyrpzt að ræðustóli hans og þókt gott á hann að
hlýða. Samkvæmt árbókum háskólans hefir Jón farið
rneð fyrirlestrum yfir sögu íslands frá upphafi til
vorra daga, fiutt fyrirlestra umsögu- og fornfræða-
iðkanir íslendinga eftir siðskiptin, farið
yfir verzlunarsögu íslands frá 1262 til 1787,
flutt fyrirlestra um sögu íslenzku kirkjunnar
fram að siðskiptunum, auk þess sem hann á
fyrsta kennsluári sínu iýsti í fyrirlestrum f r u m a 1 d a-
lífi Norðurlandabúa, víkingaferðum, upp-
hafi siðmenningar á Norðurlöndum og
sögu Haralds hárfagra. Laun Jóns voru í dó-
zentsstöðu 2800 kr., og voru þau auðvitað allt of lág handa
manni, sem hvorki vildi né gat vegna starfsemi sinnar
og samvizkusemi aflað sér annarra tekna en þeirra, sem
ritstörf hans gáfu af sér, en af þeim tekjum verða fáir
feitir hér á landi Nokkur styrkur var honum að því,
að alþingi veitti honum tvívegis fé til utanfarar í rann-
sóknaskyni, árið 1914 1400 kr. og árið 1918 5000 kr.
Myndi það sjálfsagt hafa mælzt vel fyrir, að Jón hefði verið
skipaður prófessor fyrr eða staða hans í öndverðu verið
prófessorsembætti með prófessorslaunum. En svo varð
ekki, fyrr en á þingi 1919, og var þá embætti hans gert
að fullkomnu prófessorsembætti og honum ætluð prófes-
sorslaun og launabót, eins og hann hefði verið prófessor
alla tíð, frá því að hann varð dózent. En þetta kom að
litlu haldi. Jón var kjörinn rektor háskólans þann 17.
júní þ. á., fyrir næsta háskólaár. í júlímánuði brá hann
til utanfarar til þess að sækja norrænan sagnfræðinga-
fund, er halda skyldi í Kristianíu. En honum var ekki
afturkomu auðið úr þeirri för. Varð hann bráðkvaddur í
Kaupmannahöfn 5. júlí þ. [á.