Skírnir - 01.12.1920, Blaðsíða 52

274
Lonrdes
Skírnir
kaþólska siði, var hér margt að athuga, því hvergi er
Guðsmóðurdýrkunin svo heit sem hér. í staðinn fyrir að
fara þaðan niður að hellinum, kaus eg að ganga fyrst upp
fjallshlíðina og skoða þá eftirlikingu af Golgata, sem þar
hefir verið gjörð. Tólf miklar standmyndir sýna atriði,
er kaþólskir menn telja að komið hafi fyrir Krist á leið-
inni til Golgata — en náttúran hjálpar til að gjöra jafn-
vel píningarstaðinn aðlaðandi. Eg gat ekki stilt mig um
að klifrast enn hærra upp eftir fjallinu, og þegar eg loks-
ins heit og þreytt settist niður á hárri snös, þá fanst mér
eg líta inn í eitthvert fyrirheitið land. Mikið skelfing gat
útsýnið verið fallegt!
Mennirnir hafa að sönnu i Lourdes reynt að bera
guði vitni um trú á tilveru hans með stórkostlegum bygg-
ingum, en guð sjálfur hefir gjört náttúruna þar svo fagra,
að öll mannvirki hverfa sjónum. — Eg tók ekkert eftir
hvað tímanum leið, og klukkan var nærri því 4 þegar eg
var kominn ofan að kirkjunni aftur. Eg flýtti mér nú.
að hellinum, og það var áhrifamikil sjón, sem bar fyrir
augu mér. Massabieille-hellirinn er beint niður undir
kirjunni. Á stalli til hægri handar stendur mynd af Maríu
mey, og með gullnum stöfum stendur í kringum höfuð
hennar: Je suis lTmmaculée Conception. Inni í hellinum
er altari með mörgum ljósum og blómum, en á veggjun-
um hanga ótal hækjur, sem læknaðir sjúklingar hafa
hengt þar upp til sannindamerkis. Járngrindur eru fyrir
framan hellinn, sem ekki eru opnaðar nema endrum og
sinnum. Fyrir framan grjndurnar var prédikunarstóll og
í honum ungur, belgískur prestur, sem í mjög svo hugðnæm-
um orðum þakkaði guði fyrir, að hann hefði haldið hendi
sinni yfir ættjörðu þeirra og leyft þeim að komast þang-
að aftur. Pílagrímarnlr krupu niður alt í kringum migf
og margan veikan og vanaðan sá eg meðal þeirra. Sálm-
ar voru sungnir og að endingu þjóðsöngur Belga: La Bra-
bangonne, og fanst mér þá raddirnar verða enn innilegri
og mörg tár hrundu niður eftir kinnunum á þessu fólki,
sem flest hafði verið flæmt úr landi burt og mist mest af