Almanak Ólafs S. Thorgeirssonar - 01.01.1938, Page 34

34 ÓLiAFUR S. THORGEIRSSON:
rifjuðu upp þessar söngskemtanir okkar, ljúfar end-
urminningar frá æskuárunum heima í Eyjafirði, þar
sem við höfðum sungið marga kveldstundina undir
berum himni, eins og svanir, svo að tók undir í fjöll-
um beggja megin fjarðar. Mundum eftir þeim
kvöldum, þegar veður var yndislegt, og gamli Mag-
nús safnaði saman unglingunum og fór með okkur
upp á einhverja hæðina fyrir ofan Akureyri, og lét
okkur steypa hljómbylgjum yfir bæinn og fólkið,
opnaði glugga og fór út úr húsum til að hlusta á
sönginn, álíka eins og á sér stað, þegar hornleikara
flokkar eru í skemtigörðum hér í Winnipeg, nema,
náttúrufegurðin hér á sléttunum þolir engan saman-
burð við þau himnesku sumarblíðu kveld, sem stund-
um renna þar upp, þegar miðnætursólin gyllir láð og
lög öllum regnbogans litum. Þangað vorum við
komnir í anda nærri því sáum gamla Helga Magra
landnámsmanninn góða, sem nam land alt utan frá
Gjögrum fram til Jökla; sáum hann sigla og róa skip-
um sínum inn fjörðinn, leggja. að landi við nes það,
sem hann nefndi Kristnes, þar sem hann sté á íand
með fólk sitt, búslóð og kvikfé og lagði blessun sína
yfir landnámið, sem jafnan síðan hefir verið farsæl-
asta hérað til lands og sjávar á okkar kæru fóstur-
jörð. í þessu lá vakningin fyrir okkur, sem lengi
höfðum dvalið fjarri fósturjarðar ströndum, eins og
þar stendur. Það voru föðurlandssöngvarnir og
þessar sýnir sem við höfðum séð og ekki séð, sem
kom þessum fáu mönnum til að gera tilraun til að
“stytta nóttina”. Bundumst við þá félagsböndum í
því skyni að reyna að láta eitthvað gott af okkur
hljóta, bæði til fósturjarðarinnar og þjóðarbrotsins,
sem hingað hafði fluzt. Það var á fæðingardag Guð-
mundar hins góða, sem í almanökunum íslenzku er
nefndur “Gvöndardagur” og ber upp á 16. dag marz-
mánaðar ár hvert, að klúbbur þessi var myndaður,
árið 1902. Við skírðum klúbbinn “Helga Magra”
eftir landnámsmanninum sem áður var minst á.
Teljum það lukkuspor, að við létum þenna litla vísir