Almanak Ólafs S. Thorgeirssonar - 01.01.1938, Síða 50

50 ÓLAFUR S. THORGEIRSSON:
asta; hann var fastur í lund og einbeittur, og í sálar-
djúpinu átti hann mikið af manngöfgi. Hann var
bjartsýnn >ó tilfinningamaður væri, hugdjarfur i
öílu sem hann tók fyrir hendur, harður um réttsýni í
viðskiftum, og orð hans stóðu ætíð sem stafur á bók.
Árið 1892 giftist hann Matthildi Halldórsdóttur
Magnússonar frá Narfaeyri á Skógarströnd í Snæ-
fellsnessýslu, og konu hans Jóhönnu Jónsdóttir
Steindórssonar hins sterka. Voru þau meðal frum-
herja Argyle-bygðar. Matthildur var fríð kona og
höfðinglynd, gáfuð og hneigð til bókmenta. Hún dó
6. sept. 1934.
Tíu börn þeirra eru á lífi og eru hér talin: 1.
Halldór Jóhann, ógiftur; 2. Guðrún, gift Guðmundi
Friðjóni Goodman, bónda í Argyle-bygð; 3. Kristján
Hjálmtýr, giftur Lilju Björgu Jóhannsdóttur Gott-
skálkssonar frá Winnipeg; 4. Vilbert, ógiftur; 5.
Anna Guðbjörg, gift Carl Baldvin, er hann sonur
Baldvins Benediktssonar frá Hjarðarhaga í N.-Múla-
sýslu og konu hans Guðnýjar Antoníusdóttur frá
Kelduskógum á Berufjarðarströnd; 6. Guðmundur
Sumarliði, ógiftur; 7. Þórunn, gift hérlendum manni;
8. Sylvía; 9. Stefán; 10. Clarence Melville. Hin þrjú'
síðastnefndu ógift. Öll eiga börnin heima í þessu
bygðarlagi nema sá sjötti í röðinni, á hann heima í
Vancouver, B. C.
Þorlákur Guðmundsson (Goodman). Fæddur á
Snartastöðum í Núpasveit 9. apríl 1859. Kom til
Vesturheims 1893. Var fjölda mörg ár í Argyle-
bygð og vann algenga vinnu hjá bændum. Til Glen-
boro flutti hann um 1910 og bjó þar til 1929 og
stundaði algenga vinnu. Kona Þorláks var Anna
Jósefína Davíðsdóttir frá Ferjubakka í Axarfirði,
fædd þar 1855, var hún systir Josephs Davíðssonar
sem um eða yfir 20 ár var ferjumaður við Jökulsá,
nafnkendur hreystimaður og karlmenni, sem síðar
kom hér vestur og bóndi var í Argyle-bygð um tíma.