Almanak Ólafs S. Thorgeirssonar - 01.01.1938, Síða 103

ALMANAK 1938
103
fyrir allmörgum árum; 3 Jóhann, giftur Pálínu
(systur Gamalíels fyrnefnds), bóndi í Garðar-
bygð; 4. Sigurbjörg, gift Ólafi Kristinssyni,
bónda í grend við Garðar , N. Dak.; 5. Páll,
(var getið fyr) ; 6. Sigurrós, gift Þórði Árna-
syni, bónda í grend við Mozart, Sask.; 7. Jónas, kom
hingað með foreldrum sínum og dvaldi með þeim
þar til árið 1903 að hann fór, ásamt nokkrum ungum
mönnum, til Vatnabygða og nam þar land, en var hér
öðru hvoru, þar til hann flutti héðan alfarin til
Elfros, Sask., haustið 1907, þar giftist hann Stefaníu
Rannveigu, dóttur Árna Sigurðssonar landnema hér.
Nú eru þau Jónas og Stefanía búsett í Smeaton,
Sask.; 8. Þórdís, gift Þórði bónda Gunnarssyni, bú-
sett við Mozart, Sask. Einnig ólu þau hjón upp
dreng, Stefán að nafni Björnsson; er þau tóku á
unga aldri og var hann hjá þeim hér fyrstu árin, þá
orðinn stálpaður, héðan fór hann til Garðar og flutti
þaðan til Vatnabygða og býr nú í grend við Smeaton,
Sask. Árið 1906 brugðu þau Tómas og Guðrún búi
og seldu heimilisréttarlandið Kristjáni Skagfjörð.
Tómas gaf Árna syni sínum eftir sinn part í landi
því er þeir áttu í félagi.
Héðan fluttu þau hjón ásamt Þórdísi dóttur
sinni til Edinborgar, N. D., og settust gömlu hjónin
að hjá Jóhanni syni sínum er þá var búsettur þar.
Hjá honum dvöldu þau þar til árið 1913 að þau fluttu
til Vatnabygða, til Jónasar sonar síns er þá bjó í
grend við Elfros, Sask. Og hjá honum voru þau til
dauðadags. Guðrún andaðist 5. marz 1920 og Tómas
15. sept. 1921.
Landnemi N.A. S. 19, 1-6
Árni Tómasson
Árni er fæddur 12. ág. 1866, að Hallgilsstöðum í
Hörgárdal í Eyjafjarðarsýslu. Þar bjuggu þá for-
eldrar hans, þau hjónin, Tómas Jóhannsson og Guð-