Kirkjuritið - 01.04.1953, Síða 74

140
KIRKJURITIÐ
alltaf. íslenzka listasýningin í Osló fyrir fáum áruni vakti
mikla athygli, en ýmsir Norðmenn, sem þangað komu, urðu
fyrir vonbrigðum, vegna þess að hinn suðræni svipur hennar
duldi of mjög hið íslenzka yfirbragð. En meðvitund þjóðar-
innar þarf að vakna fyrir þessu og virðing fyrir því, sem
íslenzkt er og þjóðlegt.
Fermingarbúningar, sem kirkjan ætti sjálf, mundu kosta
söfnuðinn nokkurt fé í fyrstu, en borga sig margfaldlega á
skömmum tima, þar eð sömu búningar yrðu notaðir árum
saman. Við þessa tilhögun ynnist margt, en einkum tvennt:
Fermingarbarnið gengi á þessari hátíðlegu vígslustundu út í
lífið undir merki kirkjunnar, og um leið fengi kirkjan tæki-
færi til þess að tengjast fastara hinni verðandi íslenzku þjóð.
í öðru lagi fengi þessi athöfn, sem er um of með útlendu
sniði, yfir sig þjóðlegri blæ, einkenni, sem væru sérstæð fyrir
okkar land.
Einar M. Jónsson.
Frá kirkjulífi Finna.
Finnar keppast nú við að endureisa kirkjur sínar, sem hrunið
hafa eða skemmzt á stríðsárunum, og nýjar eru byggðar. Lýð-
háskólar hafa einnig risið, og vinna þeir kirkjulegt starf. Nem-
endur eru frá ýmsum löndum. Diakonissustofnanimar hafu
eignazt meiri og betri húsakynni. Og drengjabúðir eru fjöl'
sóttar allt árið. Ný sjómannakirkja hefir verið vígð í Hull og
prestsseturshús og safnaðahús hafa verið reist.
Sérstök fréttastofa hefir verið stofnuð fyrir kirkjuna og
veitir hún landsmönnum mikinn fróðleik um starf hennar.
Kirkjusöngur eflist, verður bæði almennari og betri.
Á síðastliðnu ári hafa þrír doktorar í guðfræði bæzt við, þar
á meðal ein kona. Ýmis merk guðfræðirit hafa einnig komið
út, m. a. skýringar yfir Markúsarguðspjall, yfir allt Gamla
testamentið, kristileg siðfræði, trúarlærdómasaga, kirkjusaga
og síðast en ekki sízt hirðisbréf erkibiskupsins nýja, Simojakis-
í sambandi við prestafundi hafa loks verið gefin út rit um
kirkjumál og trúmál, og hafa sum þeirra vakið hina mestu
athygli.