Kirkjuritið - 01.04.1953, Síða 82
148
KIRKJURITIÐ
Eirlíkan af séra Friðriki Friðrikssyni
er áformað að afhjúpa við Lækjargötu á 85 ára afmælisdegi
hans, 25. maí. Hefir Sigurjón Ólafsson myndhöggvari gjört.
Séra Friðrik er einn af mestu og beztu mönnum kirkjunnar á
íslandi bæði að fornu og nýju, og er þetta gleðilegur vottur
þess, hve íslenzka þjóðin elskar hann og dáir.
Prófastsfrú Anna Oddbergsdóttir
frá Bjarnanesi andaðist á Landakotsspítalanum 6. maí, 59 ára
að aldri.
Átta alda afmæli erkibiskupsstólsins í Niðarósi.
Þess verður minnzt í Niðarósi með miklum hátíðahöldum í
lok júlímánaðar, einkum dagana 28.—29. Munu biskupshjón vor
taka þátt í hátíðahöldunum.
Norrænt bindindisþing í Reykjavík.
Eins og skýrt hefir verið frá í blöðum, verður norrænt bind-
indisþing haldið í Reykjavík dagana 31. júlí til 6. ágúst í sumar.
Þeir, sem vilja taka þátt í þinginu, eiga að tilkynna það til
skrifstofu þingsins að Fríkirkjuvegi 11, Reykjavík. Væntanlega
fjölmenna íslenzkir prestar á þingið.
Sameiginlegt mót
fyrir öll prestafélög Norðurlanda er ákveðið að halda í Gauta-
borg dagana 29. júní til 2. júlí. Þar er ætlast til, að fulltrúar
frá Prestafélagi íslands flytji ávarp, erindi um fermingu og
fermingarundirbúning og aðalframsöguræðu um norræna sam-
vinnu. Þeir prestar, sem kynnu að hafa hug á því að sækja
mótið af hálfu Prestafélags íslands, eru beðnir að snúa sér til
formanns þess, Ásmundar Guðmundssonar.
Heimsóknir í skóla.
Eins og undanfarin ár komu Bræðralagsmenn í nokkra skóla
og fluttu þar erindi og prédikanir. Voru þessar ferðir farnar
síðast í marzmánuði og heimsóttir Skógaskóli undir Eyjaf jöll-
um, Reykholtsskóli, Akraness og Borgarness skólar. Fyrir
ferðunum stóðu biskupinn dr. Sigurgeir Sigurðsson og séra
Guðmundur Sveinsson á Hvanneyri, en með þeim voru guð-
fræðistúdentarnir: Sigurður Haukur Guðjónsson, Ingimar Ingi-
marsson, Ólafur Skúlason og Þórir Stephensen. Viðtökur voru
hvarvetna hinar beztu og óskað eftir slíkum heimsóknum sem
oftast.