Kirkjuritið - 01.10.1954, Síða 49

150 ÁRA AFMÆLI
407
Þegar dr. Lazarus hafði lokið ræðu sinni, tók erkibiskups-
frúin til máls og sagði, að hinn merki trúboði og rithöfundur,
ungfrú Mildred Cable (sem heimsótti ísland sumarið 1949,
ásamt vinkonum sínum, systrunum French), hefði stuttu áður
en hún dó vorið 1952 komið á stað og skipulagt fjársöfnun
á meðal enskra kvenna, í þeim tilgangi, að stofna skyldi
sjóð, sem gefa ætti Biblíufélaginu í afmælisgjöf. Þennan sjóð
skyldi Biblíufélagið nota til þess, að fátækar konur, í hvaða
landi sem væri, gætu fengið Biblíuna gefins, ef þær snéeu
sér til starfsmanna þess. — Enskar konur unnu af miklu
kappi að þessum samskotum, og gengu þau svo vel, að þær
gátu afhent um 2000 sterlingspund á þessum fundi. — Erki-
biskupsfrúin bað ungfrú Francescu French að taka á móti
gjöfinni fyrir hönd Biblíufélagsins. — Ungfrú French bað
þakkarbænar og bað Drottinn að blessa þessa gjöf og alla, sem
höfðu gefið og unnið að þessari söfnun. Síðan hélt hún stutta
ræðu og minntist Mildred Cable með innilegum orðum, sem
hrærðu alla, sem höfðu þekkt og elskað þessa ágætu konu.
Svo stóð aðalframkvæmdastjóri félagsins, dr. Norman Cook-
burn, upp og lýsti hinni drottinlegu blessun. — Þannig enduðu
hinir miklu og ágætu afmælisfundir Hins brezka og erlenda
Biblíufélags.
Á meðan á þessum fundum stóð, hugsaði ég oft til Hins ís-
lenzka Biblíufélags. Það hefir, því miður, hingað til verið
fátækt félag, og látið of lítið á sér bera. Nú á það 140 ára
afmæli eftir 2 ár, og vona ég, að þá verði hátíðahöld um allt
land. Eins vona ég, að islenzkar konur, sem eru svo duglegar
á mörgum sviðum, gerist ötulir styðjendur þess og að þjóðin
í heild slái hring um það, og styrki fjárhag þess svo mikið,
að það geti sjálft gefið út Biblíuna og látið prenta hana á
íslandi á sinn eigin kostnað.