Kirkjuritið - 01.10.1954, Side 51

Jóhann Jóhannsson íimmtugur,
Jóhann Jóhannsson skólastjóri.
Jóhann Jóhannsson skólastjóri á
Siglufiröi er fæddur 7. nóvember
1904 að Halldórsstöðum í Eyja-
firði. Voru foreldrar hans Jóhann
Sigurðsson, bóndi á Arnarstöðum,
°g kona hans Stefanía Sigtryggs-
dóttir.
Hann tók stúdentspróf í Mennta-
skóla Akureyrar 1930 og guðfræði-
Próf í Háskólanum 1935, en hafði
þá ári fyrr lokið kennaraprófi í
Kennaraskólanum. Veturinn 1937
—38 dvaldi hann í Svíþjóð og sótti
kennslu í kirkjusögu við Uppsala-
háskóla.
Jóhann hafði, áður en hann fór utan, verið settur kennari í
Gagnfræðaskóla Siglufjarðar og var skipaður kennari þar, er
hann kom heim, 1937. Skólastjóri þess skóla hefir hann verið
nú um 10 ára skeið, frá 1944.
Kona hans er Aðalheiður Halldórsdóttir frá Bakkaseli í Öxna-
dal og eiga þau einn son og tvær dætur.
Þó að kirkjunni hljóti jafnan að vera eftirsjá í slíkum hæfi-
leikamönnum sem Jóhanni, er það þó bót í máli, að stjórn
mikilla menntastofnana er einnig mikilsverður þáttur í því
starfi, sem kirkjan vinnur, og er vonandi að prestar megi í
raun og veru telja hann í sínum hópi.
Kirkjuritið árnar honum heilla, nú þegar hann heldur út á
Það skeið æfinnar, sem oft verður, fyrir vaxandi lífsreynslu,
árangursríkast.
M.J.
27