Kirkjuritið - 01.10.1954, Síða 63

PRESTAFÉLAG SUÐURLANDS
421
þakkir flytja þeir Kristjáni Eldjárn, þjóðminjaverði, fyrir að
stilla svo til, að sunnlenzkir prestar fengu að vera nærstaddir
á þeirri ógleymanlegu stund, er opnuð var steinkistan forna, er
geymdi bein hins merka Skálholtsbiskups.
Stjórn félagsins skipa nú séra Sigurður Pálsson formaður,
séra Sveinn Ögmundsson ritari og séra Garðar Svavarsson gjald-
keri.
Aðalíundur Guðbrandsdeildar.
Aðalfundur Guðbrandsdeildar Prestafélags íslands var hald-
inn á Blönduósi sunnudaginn 22. ágúst að lokinni messu, þar
sem séra Lárus Arnórsson á Miklabæ prédikaði, en séra Gunnar
Gíslason í Glaumbæ þjónaði fyrir altari. Einnig var messað á
Holtastöðum. Þar prédikaði séra Ragnar Fjalar í Hofsós, og
séra Bjartmar Kristjánsson þjónaði fyrir altari, og á Höskulds-
stöðum messaði séra Björn Björnsson, Hólum.
Séra Þorsteinn B. Gíslason prófastur í Steinnesi setti fund-
inn og stýrði honum. Minntist hann hins látna biskups dr.
Sigurgeirs Sigurðssonar, en fundarmenn risu úr sætum í virð-
ingarskyni. Þá bauð hann velkomna fundarmenn, alls 10 presta
af félagssvæðinu, og þó sérstaklega gesti fundarins og frum-
niælendur, þá séra Magnús Guðmundsson í Ólafsvík og Pál
Kolka héraðslækni á Blönduósi. Síðan hófu þeir framsöguerindi
sin um aðalmál fundarins, sem var samstarf presta og lækna.
Þá urðu nokkrar umræður um þetta nauðsynjamál, og hnigu
þær í þá átt, að ekki væri aðeins mikils virði, að prestar og
læknar störfuðu saman, heldur og allir þeir, sem vinna að menn-
ingarmálum, uppeldi og trúrækni með þjóðinni.
Að loknum þessum almennu umræðum sátu skagfirzkir prest-
ar kvöldverðarboð húnvetnskra presta í hóteli staðarins, en
síðan komu prestar saman og ræddu félagsmál sín. I stjórn
voru kosnir séra Helgi Konráðsson prófastur á Sauðárkróki
formaður, séra Þorsteinn B. Gíslason prófastur í Steinnesi og
séra Ragnar Fjalar í Hofsós. Fundurinn sendi biskupi landsins
kveðju, einnig fyrrv. formanni félagsins, séra Gunnari Árna-
syni, og fyrrv. prófasti, séra Guðbrandi Björnssyni, í tilefni af
nýafstöðnu sjötugsafmæli hans.