Kirkjuritið - 01.10.1954, Side 66

424
KIRKJURITIÐ
Út af tilmælum biskups um lýsisgjafir á vegurn Lútersha
heimssambandsins til Araba á Sýrlandi, gerir Prestafélag Aust-
urlands svofellda ályktun:
„Félagið telur sjálfsagt að stuðla að þátttöku íslenzku kirkj-
unnar í öllu alþjóðlegu líknarstarfi, sem hún á aðild að, kynna
það og styðja eftir megni. En þegar um er að ræða slík tilmæli
um fjárframlög, óskar félagið eftir sem gleggstri greinargerð
og rökstuðningi fyrir þörf styrktarstarfseminnar hverju sinni.“
Sunnudaginn 12. september voru allir fundarmenn viðstaddir
hátíölega messugerö í Djúpavogskirkju. Prófasturinn í Suður-
Múlaprófastsdæmi vígði nýjan kór, skrúðhús, forkirkju og end-
urbætur kirkjunnar, svo og nýja gripi hennar. Sóknarpresturinn
í Djúpavogsprestakalli, séra Trausti Pétursson, prédikaði og
minntist 60 ára afmælis kirkjunnar. Formaður Prestafélags
íslands, séra Jakob Jónsson, minntist þeirra presta, sem þjón-
að höfðu Djúpavogskirkju þau 60 ár, síðan hún var reist, aðal-
lega föður síns, séra Jóns Finnssonar, sem var prestur Djúpa-
vogskirkju í 39 ár. Að lokinni guðsþjónustunni í kirkjunni bauð
sóknarnefndin viðstöddum próföstum og prestum Suður- og
Norður-Múlaprófastsdæma, ásamt formanni Prestafélags íslands
og frú, til kirkjuhófs, sem þeir og þáðu.
Kl. 6 e. m. var altarisþjónusta, þar sem fundarmenn og fleiri
gengu til altaris. Að henni lokinni flutti formaður Prestafélags
Austurlands bæn.
Mánudaginn 13. september voru fundarslit. Þakkaði formaður
Prestafélags Austurlands fundarmönnum fundarsókn, óskaði
þeim góðrar heimferðar og blessunar Guðs. Sagði hann svo
fundi slitið.
Haraldur Jónasson
p.t. formaður.
Kristinn Hóseasson.
KIRK JURITIÐ
kemur út 10 siimum á ári. — Verð eins og áður kr. 25.00.
Afgreiðsla hjá Elizabet Helgadóttur, Hringbraut 44. Simi 4776.