Kirkjuritið - 01.10.1954, Blaðsíða 60
Aðalfundur Prestafélags Islands.
Fundurinn hófst fimmtudaginn 24. júní fyrir hádegi með
guðsþjónustu í kapellu Háskólans. Séra Benjamín Kristjánsson
prédikaði og lagði út af Matt. 6, 24—34.
Að lokinni guðsþjónustu gengu fundarmenn til hátíðarsals
Háskólans, og setti formaður félagsins dr. Ásmundur Guð-
mundsson biskup fundinn og flutti ræðu. Minntist hann fyrst
látinna félagsmanna, þeirra séra Halldórs Jónssonar á Reyni-
völlum, séra Óla Ketilssonar fyrrum prests í Ögurþingum og
séra Hálfdanar Helgasonar á Mosfelli.
Þá gat hann þess, að hann myndi nú láta af formennsku í
félaginu eftir 18 ára starf og þakkaði prestum góða samvinnu.
Síðan flutti formaður ársskýrslu sína og gat þar m. a. þessa:
1. Á síðari hluta fyrra árs lét stjórn Prestafélagsins fram
fara prófkosningu til undirbúnings biskupskjöri.
2. Áformuð er breyting á Kirkjuritinu, þannig að það komi
út oftar en áður og gegni að nokkru hlutverki Kirkjublaðsins,
er hættir að koma út.
3. Safnað hefir verið skýrslum um embættiskostnað presta
og leitazt við að fá ríflegri greiðslur þeim til handa.
4. Stjórnin hefir unnið að því innan B.S.R.B. að fá lög um
réttindi og skyldur embættismanna.
Þá las formaður skýrslu um efnahag félagsins, og voru reikn-
ingar þess samþykktir.
Fundarritarar voru kosnir þeir séra Bjartmar Kristjánsson,
séra Pétur T. Oddsson og séra Friðrik A. Friðriksson.
Að loknum þessum skýrslum var gengið til stjórnarkosningar,
og fór hún fram í tvennu lagi. Voru fyrst kosnir 3 menn í stað
þeirra séra Jakobs Jónssonar og séra Þorsteins Björnssonar, er
úr stjórninni áttu að ganga, og séra Hálfdanar Helgasonar, er
lézt á árinu.
Voru kosnir:
Séra Jakob Jónsson,
séra Sigurbjörn Einarsson,
séra Sigurjón Guðjónsson.
Þá var kosinn einn maður í stað fráfarandi formanns og
hlaut kosningu