Kirkjuritið - 01.10.1954, Qupperneq 56

414
KIRKJURITIÐ
kirkjusöngsins, og einnig þakkaði hann Kjartani Jóhannes-
syni fyrir söngstarfið.
Að lokum sungu allir kórarnir þjóðsönginn.
Fullt hús var og almenn ánægja.
Skeyti barst frá biskupi landsins, herra Ásmundi Guð-
mundssyni.
Gestir komu á mótið úr Mýra- og Strandasýslum og úr
Reykjavík.
1 Dölum er margt af ágætu söngfólki, er leggur mikið á
sig að æfa í kórunum með organistum sínum, og mun kór
vera starfandi við flestar kirkjur í sýslunni. Og prófasturinn
í Dalaprófastsdæmi er söngstjóri kóranna og lífið og sálin í
öllu kirkjusöngstarfi héraðsins.
Stjórn Kirkjukórasambands Dalaprófastsdæmis og allir þátt-
takendur í móti þessu eiga miklar þakkir skyldar fyrir að
efna til þessa ágæta söngmóts. S. B.
*
Söngskóli þjóðkirkjunnar.
Söngskóli þjóðkirkjunnar lauk störfum þann 30. apríl
síðastliðinn. Hefir skólinn, eins og undanfarin ár, starfað frá
1. nóvember til 1. maí.
Skólastjóri er Sigurður Birkis söngmálastjóri. Kennarar við
skólann voru, auk skólastjóra, þeir Páll Kr. Pálsson organleik-
ari, Þórarinn Jónsson tónskáld og Guðmundur Matthíasson
kennari. Námgreinar voru: Orgelleikur, söngur, tónfræði, tón-
listarsaga, messusöngur og söngstjórn.
Skólinn er fyrst og fremst stofnaður til að veita kirkjuorgan-
leikurum, guðfræðingum og barnasöngkennurum (utan
Reykjavíkur) hagnýta þekkingu í fyrrtöldum námsgreinum-
Alls komu 35 slíkir nemendur í skólann í vetur.
Við skólauppsögn flutti skólastjóri ræðu og hvatti nemend-
ur til að efla sem mest þeir mættu kirkjusöng og sönglíf
almennt, hver í sínu byggðarlagi, nú er þeir færu út í starfið
meðal fólksins, og minnti þá á að reyna alltaf að mennta
sig sjálfa meira og meira, svo að skilningur þeirra vaxi og
andi þeirra verði stöðugt frjórri. Og að láta sem flesta njóta
góðs af þeirri menntun, sem þeir hafi hlotið.