Eimreiðin - 01.09.1968, Qupperneq 50

196
EIMREIÐIN
mörku og kynnast danskri menningu og dönskum þjóðháttum.
Hafa nokkrir íslenzkir höfundar hlotið styrk úr sjóðnum.
Fyrir tveimur árum var skipulagsskrá Kelvins Lindemannssjóðs-
ins breytt allverulega. Þá var tekin á leigu þriggja herbergja íbúð
í Kaupmannahöfn. Þar geta svo styrkþegar sjóðsins búið sér að
kostnaðarlausu um þriggja mánaða skeið. Skiptast rithöfundar frá
Norðurlöndunum fjórum á að búa í íbúðinni. Stjórnar Lindemann
þessu sjálfur af mikilli elju og rausn.
Á síðasta ári veittist okkur hjónum sú sæmd að búa í íbúð Kel-
vins Lindemannssjóðs um þriggja mánaða skeið. Var dvölin
skemmtileg og lærdómsrík, og kynnin við Lindemann og fjölskyldu
hans hin ánægjulegustu. Hann býr núna úti í sveit á Norður-Sjá-
landi, en kom stundum til borgarinnar, og var þá jafnan aufúsu-
gestur hjá okkur.
í september kom hann að máli við okkur og bauð okkur bíl sinn
til afnota, ef við vildum ferðast um landið. Einnig bauð hann
okkur að hafa Lyngbæ að áfangastað og dveljast þar um hríð og
gera útrásir þaðan.
Og hingað erum við komin eftir þriggja daga ferð um eyjar og
Jótland. Okkur mun áreiðanlega líða vel hér í Lyngbæ.
Allt í einu heyri ég regn bylja á þaki og gluggum. Þá þarf að
kveikja upp, áður en hin fara á stjá. Ég hlakka til að amla við eld-
inn.